बेलिब्रिजले हुम्ला र मुगु सडक सञ्‍जालमा जोडिए- कर्णाली - कान्तिपुर समाचार
कान्तिपुर वेबसाईट
AdvertisementAdvertisement

बेलिब्रिजले हुम्ला र मुगु सडक सञ्‍जालमा जोडिए

जनकबहादुर शाही

हुम्ला — मुगुको इमालमोरमा बेलिब्रिज बन्दा हुम्ला र मुगु सडक सञ्जालसँग जाडिएका छन् । हुम्ला र मुगुका स्थानीयहरुलाई कर्णाली नदी वारपार गर्न समस्या भएपछि स्थानीय सरकारको लगानीमा बेलिब्रिज जोडिए पछि हुम्ला जिल्ला मुगुसँग सडक सञ्जालमा जोडिएको हो ।

मुगुको छायानाथ रारा नगरपालिका वडा नम्बर ३ र १३ मा रहेको इमालमोर भन्ने स्थानमा मुगु कर्णालीमाथि बेलिब्रिज निर्माण गरिएको हो । छायानाथ रारा नगरपालिका–१ देखि हुम्लाको चंखेली गाउँपालिका हुँदै हुम्ला कर्णालीसम्म ग्रामीण पहुँच कार्यक्रमले सडक बनाएर मुगु र हुम्ला जोडेको भएपनि पनि मुगु कर्णाली नदीमा पुल नहुँदा यहाका स्थानीय सडक बनेर पनि यातायातको सुविधा लिनबाट वञ्चित थिए ।

तत्कालीन जिल्ला विकास समिति हाल संघीय सरकार माताहत करिब ६ करोडको ठेक्का गरेर मुगु हुम्ला लिंक रोडको मुगु कर्णाली नदीमा पक्की पुल बनाउन ठेक्का लगाए पनि प्राविधिक कारण देखाउँदै समयमा पक्कि पुल नबन्दा यो समस्या आएको हो । मुगु कर्णाली पारि रहेका छायानाथ रारा नगरपालिका–१३ र १४ मा सडक बनेपछि कर्णाली नदीमा पुल नहुँदा स्थानीयले दु:ख पाएपछि छायानाथ रारा नगरपालिकाले ५ करोड २० लाख ५५ हजार ९ सय २ रुपैयाँमा बेलिब्रिज निर्माण सम्पन्न गरी हुम्लासँग सडक सञ्जाल जोडिएको छायानाथ रारा नगरपालिकाका प्रमुख हरिजन शाहीले बताए ।

बेलीब्रिजल मुगु र हुम्ला जोडेसंगैे अब केही सहज हुने चंखेली गाउँपालिकाका उपाध्यक्ष विमला शाहीको भनाइ छ ।

प्रकाशित : चैत्र १९, २०७८ ११:४८
प्रतिक्रिया
पठाउनुहोस्

लिमीसँग सम्पर्क विच्छेद

जनकबहादुर शाही

हुम्ला — नाम्खा गाउँपालिका–६ स्थित लिमी बाक्लो हिमपातका कारण फेरि सम्पर्कविहीन बनेको छ । मंसिर दोस्रो साता पनि हिमपातकै कारण लिमीको अन्य क्षेत्रसँग सम्पर्क टुटेको थियो । ‘अहिले लिमीमा सम्पर्क गर्ने माध्यम नेपाल टेलिकमको भिस्याट फोन र वर्ल्डलिंकको इन्टरनेट सेवा मात्र हुन् । दुवै सेवा अवरुद्ध भएको छ,’ नाम्खा गाउँपालिकाका अध्यक्ष विष्णु लामाले भने ।

लिमी जाने झन्डै ५ हजार मिटर उचाइका नारा र न्यालु लेकमा बाक्लो हिउँ जमेका कारण सदरमुकाम सिमकोट र चिनियाँ सीमा नाका हिल्साबाट लिमी जान बन्द छ । ती लेकमा अहिले पनि झन्डै ३ फिट हिउँ जमेको नाम्खा गाउँपालिकाका प्रमुख प्रशासकीय अधिकृत धर्मराज न्यौपानेले बताए । ‘त्यहाँ जान पनि सम्भव छैन, बाटोघाटो पुरिएका कारण स्थानीय बासिन्दा गाउँबाट बाहिर निस्कन पनि सकेका छैनन,’ उनले भने, ‘भिस्याट बिग्रिएपछि त्यहाँको विषयमा अरु जानकारी पनि हुन सकेको छैन ।’

लिमीका बासिन्दाले हिमपात हुनुअघि आफ्नो गाउँ छाड्थे । तर यो वर्ष गाउँ नछाड्दै कात्तिक पहिलो साता भारी हिमपात हुनाले उनीहरूले गाउँ छाड्न पाएनन् । त्यसयता लिमीमा ७ पल्ट भारी हिमपात भएको छ । स्थानीयले खाद्यान्न र अन्य आवश्यक सामग्री जोहो गरिसकेकाले खासै समस्या भने नभएको प्रमुख प्रशासकीय अधिकृत न्यौपानले बताए ।

लिमी समुद्र सतहदेखि झन्डै ३ हजार ८ सय मिटरको उचाइमा छ । लिमीस्थित हल्जीमा ८०, जाङमा ३० र तिलमा २५ परिवारको बसोबास छ । अहिले लिमीमा अहिले झन्डै ६ सय जना रहेको अनुमान छ । लिमीबाट गाउँपालिकाको केन्द्र यलबाङ पुग्न दुई दिन र सदरमुकाम सिमकोट पुग्न पाँच दिन हिँड्नुपर्छ ।

प्रकाशित : फाल्गुन २४, २०७८ ०८:१७
पूरा पढ्नुहोस्
प्रतिक्रिया
पठाउनुहोस्
×