कर्मचारीलाई कोरोना देखिएपछि वाणिज्य बैंक सुर्खेत शाखा बन्द- कर्णाली - कान्तिपुर समाचार

कर्मचारीलाई कोरोना देखिएपछि वाणिज्य बैंक सुर्खेत शाखा बन्द

चाँदनी कठायत

वीरेन्द्रनगर — राष्ट्रिय वाणिज्य बैंक सुर्खेतमा कार्यरत कर्मचारीमा कोरोना संक्रमण देखिएपछि सेवा बन्द गरिएको छ । बैंकमा कार्यरत १८ जना कर्मचारीमध्ये १० जनामा आइतबार कोरोना पुष्टि भएपछि सेवा बन्द गरिएको बैंकले जनाएको छ ।

दुई जना कार्यालय सहयोगीसहित थप तीन जना कर्मचारीमा लक्षण देखिए पनि परीक्षण हुन बाँकी रहेको बैंकका प्रमुख लीलाराम ढुंगानाले जानकारी दिए । उनका अनुसार बैंकको सुरक्षार्थ खटिने एक जना सुरक्षा गार्डलाई प्रदेश अस्पतालस्थित कोरोना विशेष अस्पतालमा भर्ना गरिएको छ ।

बाँकी ९ जना कर्मचारीहरु होम आइसोलेसनमा रहेको र उनीहरुको अवस्था सामान्य रहेको प्रमुख ढुंगानाले बताए । ‘प्रमुख ढुंगानाले‘कम्तीमा चार दिन संक्रमित कर्मचारीहरुको अवस्था हेर्ने र सामान्य अवस्था भएपछि सीमित सेवा सुरु गर्ने तयारीमा रहेको जनाए ।

सोमबारदेखि बैंक बन्द गरेर सेनिटाइज गर्ने तयारी भइरहेको उनको भनाइ छ । बैंकको सुर्खेत शाखाको सेवा बन्द भए पनि वीरेन्द्रनगर शाखाबाट भने सेवा प्रवाह भइरहेको उनले जानकारी दिए ।

प्रकाशित : माघ ३, २०७८ १२:२८
प्रतिक्रिया
पठाउनुहोस्

कर्मचारीलाई कोरोना भएपछि पश्चिम नवलपरासी प्रशासनमा अत्यावश्यक बाहेकका काम बन्द

नवीन पौडेल

परासी — जिल्ला प्रशासन कार्यालय पश्चिम नवलपरासीले ६ दिनका लागि आफ्नो सेवा बन्द गरेको छ । प्रमुख प्रशासकिय अधिकृतसहित केही कर्मचारीमा कोरोना संक्रमण पुष्टि भएपछि सोमबारबाट माघ ९ गते सम्म कार्यालयबाट प्रदान हुने नागरिकता, राहदानी, प्रतिलिपि, राष्ट्रिय परिचय पत्र लगायतका सेवा बन्द गरीएको प्रमुख जिल्ला अधिकारी धर्मेन्द्र कुमार मिश्रले बताए ।

जिल्ला प्रशासन कार्यालयले सूचना प्रकाशित गर्दै सेवा स्थगित भएको जनाएको हो । भारतसँग खुला सिमाना जोडिएको पश्चिम नवलपरासीमा कोरोना संक्रमण बढ्दो छ ।


नाकामा जाँच नगरी ओहोरदोहोर गर्दा संक्रमणको जोखिम उच्च छ ।


प्रकाशित : माघ ३, २०७८ १२:१६
पूरा पढ्नुहोस्
प्रतिक्रिया
पठाउनुहोस्
×