कस्तुरीको बिनासहित एक पक्राउ- कर्णाली - कान्तिपुर समाचार
कान्तिपुर वेबसाईट
AdvertisementAdvertisement

कस्तुरीको बिनासहित एक पक्राउ

हरिहरसिंह राठौर

जाजरकोट — जिल्ला प्रहरीले संरक्षित वन्यजन्तु कस्तुरीको बिनासहित एक पुरुषलाई पक्राउ गरेको छ ।

प्रहरीले डोल्पा जिल्लासँग सीमा जोडिएको नलगाड नगरपालिका १० ध्यारगाउँ बस्ने ४५ वर्षीय डिल्ली बहादुर ध्यारलाई वन्यजन्तु कस्तुरीको बिना साथमा लिई हिँडिरहेको गोप्य सूचनाको आधारमा पक्राउ गरेको हो ।

प्रहरी निरीक्षक अर्जुन सिंह साउदको कमाण्डमा खटिएको प्रहरी टोलीले नलगाड नगरपालिका –११ चौखा बजारमा उनलाई शनिबार पक्राउ गरेको थियो।

पक्राउ परेका डिल्ली बहादुर ध्यारको शरीर खानतलासी गर्दा हल्का गिलो कालो रंगको डल्लोको टुप्पोमा खैरो सेतो कपाल (रौं) भएको छालासहित तौल गर्दा ३० ग्राम भएको वन्यजन्तु कस्तुरीको बिना बरामद गरी आवश्यक कारबाहीको लागि डिभिजन वन कार्यालय जाजरकोटमा पठाइएको प्रहरीले जनाएको छ ।

राज्यले वन्यजन्तु संरक्षणतर्फ कुनै चासो नदिएपछि जाजरकोट, डोल्पा, जुम्ला लगायतका जिल्लाबाट लोपोन्मुख वन्यजन्तु कस्तुरी, भालु, रेडपाण्डा लगायत आखेटोपहारहरू चोरी सिकारी बढेको छ ।

प्रकाशित : माघ २, २०७८ २०:३३
प्रतिक्रिया
पठाउनुहोस्

अन्तु भ्याली चिया कारखानामा आगलागी

कान्तिपुर संवाददाता

इलाम — इलामको सूर्योदय नगरपालिका ४ अन्तुमा रहेको अन्तु भ्याली चिया कारखानामा आगलागी हुँदा करोडौंको क्षति भएको छ । आगलागीबाट कारखानाका सबै संरचना जलेर नष्ट भएका छन् । इलाम टी प्रोर्डयुसद्वारा सञ्चालित कारखानामा आइतबार दिउँसो आगलागी सुरु भएको थियो ।

आगोले चिया कारखानाको ३ वटा चिया प्रशोधन गर्ने भवनसहित सम्पूर्ण मेसिन औजार जलेर नष्ट भएको हो । आगलागीबाट कारखानामा रहेको तयारी चियासमेत जलेर नष्ट भएको छ ।

आगलाग हुनासाथ स्थानीयले निभाउने प्रायस गरे पनि सफल भएनन् । आगो नियन्त्रण बाहिर गएपछि सूर्योदय नगरपालिकाका दुईवटा बारुणयन्त्र, इलाका प्रहरी कार्यालय पशुपतिनगर र सशस्त्र प्रहरीले अबेर मात्र आगो नियन्त्रणमा लिएका थिए । कारखानाका ठूला तीनवटा भवन, चिया प्रशोधन गर्ने सबै मेसिन र प्रशोधन गरिएको तयारी चिया सबै जलेर नष्ट भएको ूइलाका प्रहरी कार्यालय पशुपतिनगरका प्रहरी निरीक्षक देउप्रसाद लिम्बूले जानकारी दिए । आगलागीबाट करोडौंको क्षति भएको कारखानाका किसन गिरीले बताए । पुरानो यो कारखानाको दैनिक १६ हजार किलो हरियोपत्तीसम्म प्रशोधन गर्ने क्षमता छ ।


प्रकाशित : माघ २, २०७८ २०:०९
पूरा पढ्नुहोस्
प्रतिक्रिया
पठाउनुहोस्
×