कर्णालीका मुख्यमन्त्रीले विश्वासको मत मागे, बुधबार संसद्ले टुंग्याउने
वीरेन्द्रनगर — कर्णाली प्रदेशका मुख्यमन्त्री जीवनबहादुर शाहीले प्रदेशसभा बैठकमा विश्वासको मतसम्बन्धी प्रस्ताव पेस गरेका छन् । मत विभाजन भोली (बुधबार) बस्ने बैठकमा हुनेछ । मंगलबार दिउँसो बसेको प्रदेश सभा बैठकमा मुख्यमन्त्री शाहीले प्रस्ताव पेस गर्दै विश्वासको मत मागेका हुन् ।
प्रदेशसभाको प्रमुख प्रतिपक्ष दल नेकपा एमालेका सांसदहरु चितवनमा जारी एमालेको महाधिवेशनमा सहभागी हुन गएका कारण विश्वासको मतसम्बन्धी थप प्रक्रिया अघि नबढाई बैठक भोलिसम्मका लागि स्थगित गरिएको हो ।
नेकपा एमाले बुधबारको बैठकमा भने सहभागी हुने बताइएको छ ।
प्रतिक्रिया
