चितुवाको छालासहित ४ जना पक्राउ
वीरेन्द्रनगर — सुर्खेतको बड्डीचौरबाट प्रहरीले चितुवाको छालासहित चार जनालाई पक्राउ गरेको छ । बराहताल गाउँपालिका–५ बड्डीचौरबाट तीन थान चितुवाको छालासहित कर्णाली प्रदेश प्रहरी र जिल्ला प्रहरी कार्यालय सुर्खेतको टोलीले उनीहरुलाई पक्राउ गरेको हो ।
पक्राउ पर्नेहरुमा अछामको पञ्चदेवल विनायक नगरपालिका–८ का कमल शाही, चक्रबहादुर शाही, रामारोशन गाउँपालिका–४ का ओपेन्द्र शाह र दैलेखको चामुण्डाविन्द्रासैनी नगरपालिका–२ का विमल शाही रहेका छन् ।
बड्डीचौर बजारमा रहेको प्रेम होटलको कोठा नम्बर ३ बाट उनीहरुलाई पक्राउ गरिएको कर्णाली प्रदेश प्रहरी कार्यालयले जनाएको छ ।
प्रकाशित : मंसिर ५, २०७८ १२:२५प्रतिक्रिया
