भारी वर्षाले सल्यानमा ३ घर भत्किए

घर भत्किएपछि परिवारका सबै सुरक्षित स्थानतर्फ भागेर बाँच्न सफल भएका छन् । तर मानवीय क्षतिभने नभएको बताइएको छ । शारदा नगरपालिका ६ कौछेकी टीका बुढाथोकी, शारदा नगरपालिका १५ रामिसेलाका अमत रावल र बन्गाड कुपिण्डे नगरपालिका ११ आँपचौरका तेजबहादुर रानाको घर भत्किएको जिल्ला प्रहरी कार्यालय सल्यानका प्रहरी नायब उपरीक्षक गोबिन्द थापाले बताए ।

तीनवटै घरका आधा भाग भत्किएर बस्न नमिल्ने अवस्थामा पुगेका छन् । वर्षा भइरहेकाले सबै भत्किन सक्ने सम्भावना बढेपछि मानवीय क्षति हुन नदिन तीन परिवारका सबै सदस्यलाई आफन्तका लगेर राखिएको र खाने-बस्ने व्यवस्था मिलाइएको प्रनाउ थापाले बताए । घटनास्थलमा अहिले प्रहरी पुगेर क्षतिको विवरण संकलन गरिरहेको जनाएको छ ।