सुर्खेतमा बस दुर्घटना : २ को मृत्यु [अपडेट]- कर्णाली - कान्तिपुर समाचार
कान्तिपुर वेबसाईट
AdvertisementAdvertisement

सुर्खेतमा बस दुर्घटना : २ को मृत्यु [अपडेट]

हरिहरसिंह राठौर

सुर्खेत — दैलेखको बेस्तडाबाट सुर्खेत आउँदै गरेको मिनी बस सुर्खेतको लादे ओरालोमा दुर्घटना हुँदा २ जनाको मृत्यु भएको छ ।

जिल्ला प्रहरी कार्यालय सुर्खेतका अनुसार मृत्यु हुनेमा दैलेखको नारायण नगरपालिका ११ का युवा सुशील राउत र भगवती गाउँपालिका १ की ३४ वर्षीया शान्ता थापा आचार्य रहेकी छन् ।

गम्भीर घाइते उनीहरुको अस्पताल पुर्‍याउँदै गर्दा बाटोमै मृत्यु भएको प्रहरीले जनाएको छ । मृतक शान्ता चालककी श्रीमती हुन् । चालक फरार छन् भने उक्त गाडी साहुले चलाएका थिए ।

बिहान बेस्तडाबाट यात्रु लिएर सुर्खेत आउँदै गरेको कर्णाली प्रदेश ००१ ख ०१६६ नम्बरको उक्त मिनी बसमा ३४ यात्रु थिए । दुर्घटनामा घाइते भएका यात्रुहरुलाई भने उपचारका लागि सुर्खेत पठाइएको छ ।

प्रकाशित : आश्विन ३०, २०७८ १८:४०
प्रतिक्रिया
पठाउनुहोस्

नेकपा नेता चन्दको दाहसंस्कार

मनोज पौडेल

कपिलवस्तु — नेपाल कम्युनिष्ट पार्टीका केन्द्रीय सदस्य ६१ वर्षे चन्द्रबहादुर चन्दको शनिबार कपिलवस्तुको शिवराज नगरपालिकामा दाहसंस्कार गरिएको छ । चन्दको चिरई घाटमा अन्तिम संस्कार गरिएको हो । उनको शवमा दुई छोरा बियस र दिलीप चन्दले दागबत्ती दिएका थिए । 

नेकपा महासचिव नेत्रविक्रम चन्दका जेठो दाजु चन्द्रबहादुरको उपचारको क्रममा भारतको राजधानी नयाँ दिल्लीस्थित म्याक्स अस्पतालमा बिहीबार राति ९ बजे निधन भएको थियो । उनी मुटुरोगी थिए । उनको दुई छोरा र एक श्रीमती छन् ।

शुक्रबार राति उनको शव गृहनगर शिवराज नगरपालिकाको भगवानपुर ल्याइएको थियो । शनिबार श्रद्धान्जली सभा आयोजना गरी मृतआत्माको चिर शान्तिको कामना गरिएको थियो । सभामा उनले नेपालमा भएको जनक्रान्तिमा गरेको त्याग, समर्पण र बलीदानीको चर्चा गरिएको थियो ।

सभामा महासचिव चन्द, पूर्वमन्त्री चक्रपाणी खनाल र केन्द्रीय सचिवालय सदस्य, केन्द्रीय सदस्यसहित पार्टीका नेता–कार्यकर्ता र अन्य राजनीतिक दलका नेता कार्यकर्ताले फूलमाला लगाई श्रद्धाञ्जली दिएका थिए ।


प्रकाशित : आश्विन ३०, २०७८ १८:३९
पूरा पढ्नुहोस्
प्रतिक्रिया
पठाउनुहोस्
×