भाइले छाताको डन्डीले हिर्काउँदा दाइको मृत्यु- कर्णाली - कान्तिपुर समाचार

भाइले छाताको डन्डीले हिर्काउँदा दाइको मृत्यु

विप्लव महर्जन

सल्यान — बन्गाड कुपिण्डे नगरपालिका ५ खैरागारमा सामान्य विवाद चल्दा भाइले छाताको डन्डीले हिर्काउँदा दाइको मृत्यु भएको छ । १२ वर्षीय भाईले छाताको डन्डीले हिर्काउँदा १३ वर्षीय दाइ सन्दिप परियारको मृत्यु भएको हो ।


छाताको डन्डीले हिर्काउँदा बाँया कानको माथि चोट लागेर गम्भिर घाइते भएका परियारको शिक्षण अस्पताल नेपालगन्जमा उपचारको क्रममा मृत्यु भएको जिल्ला प्रहरी कार्यालय सल्यानका प्रवक्ता अर्जुन पौडेलले जानकारी दिए ।

मृतकका १२ वर्षीय भाइलाई नियन्त्रणमा लिइएको प्रवक्ता पौडेलले बताए । सन्दिपका भाइ नाबालक भएकाले नाम नखुलाइएको प्रहरीले जनायो । सन्दिप भैरवी आधारभूत विद्यालयमा कक्षा ६ मा अध्ययनरत थिए ।

प्रकाशित : श्रावण ६, २०७८ १६:०८
प्रतिक्रिया
पठाउनुहोस्

सल्यानमा टिपरका सहचालकको मृत्यु

विप्लव महर्जन

सल्यान — जिल्लाको कालीमाटी गाउँपालिकाको रामपुरमा टिपरले च्यापिएर सहचालकको मृत्यु भएको छ । टायर फेर्नका लागि रोकेर राखेको ना १ क ४६२५ नम्बरको टिपरले च्याप्दा कालिमाटी गाउँपालिका २ मेहलकुनाका वर्ष १९ का ज्ञानबहादुर ओलीको बुधबार बिहान घटनास्थलमै मृत्यु भएको हो । 

दाङ-कालीमाटी-सुर्खेत सडक खण्डमा काम गर्दै आएको कालिका कन्ट्रक्सनको टिपर ओट भासिएर गुडेपछि सहचालक ओली च्यापिएका जिल्ला प्रहरी कार्यालय सल्यानका प्रहरी निरीक्षक अर्जुन पौडेलले बताए ।

ईलाका प्रहरी कार्यालय कालीमाटीबाट प्रहरी नायव निरीक्षक ओपेन्द्रकुमार शाहीको नेतृत्वमा प्रहरी टोली घटनास्थलमा खटाइएको उनले जानकारी गराए । घटनाको थप अनुसन्धान भैरहेको उनको भनाइ छ ।

प्रकाशित : श्रावण ६, २०७८ १५:५५
पूरा पढ्नुहोस्
प्रतिक्रिया
पठाउनुहोस्
×