सोलार ब्याट्री पड्केर आगो लाग्दा दुई घर जले

आगलागीका कारण घरमा भएका लत्ताकपडा, खाद्यान्न, भाँडाकुँडा, नगद तथा सुनका गहना नष्ट भएको इलाका प्रहरी कार्यालय दार्माका इन्चार्ज तेजबहादुर बुढाले बताए । उनका अनुसार घर जलेपछि दुवै परिवार अहिले छिमेकीको घरमा आश्रय लिइरहेका छन् । ब्याट्री पड्किनुको कारण भने खुल्न नसकेको उनले बताए ।

दार्मा गाउँपालिका अध्यक्ष निमबहादुर केसीले आगलागीपीडितलाई छिमेकीको घरमा बस्ने र खाने व्यवस्था मिलाइएको जनाउँदै छिट्टै राहत वितरण गरिने बताए । स्थानीयको सहयोगमा लामो समयपछि आगो नियन्त्रणमा लिइएको उनले जानकारी गराए ।