घरमा आगलागी हुँदा जलेर एकको मृत्यु

घरमा सुतिरहेका सुनारको जलेर मृत्यु भएको जिल्ला प्रहरी कार्यालय, सल्यानका प्रहरी नायब उपरीक्षक गोविन्द थापाले बताए । उनका अनुसार सुनारको घरमा बिजुली बत्ती नभएको र सल्लेझर्को बाल्नुपर्ने बाध्यता रहेकाले त्यसैबाट आगो सल्किएको अनुमान गरिएको छ ।

घरमा बाबुछोरा मात्र रहेकामा मंगलबार राति बाबु आफन्तकहाँ सुत्न गएकाले जोगिएको थापाले जानकारी दिए । ‘घटनाको थप अनुसन्धान भइरहेको छ,’ उनले भने । घरमा आगलागी हुँदा जिल्लामा यस वर्ष दुई जनाको ज्यान गइसकेको थापाले बताए ।

यस्तै शारदा नगरपालिका–११ स्थित खैराबाङनजिकैको वनमा लागेको डढेलोका कारण शारदा नगरपालिका–११ खैराबाङका वडाध्यक्ष रामसिं बुढाथोकी र स्थानीय जितबहादुर बुढाथोकीको गोठ जलेर नष्ट भएको छ । लगातार दुई दिनदेखि वनमा लागेको डढेलो नियन्त्रणभन्दा बाहिर गएपछि त्यहाँबाट उडेको झिलिंगोले भेटाउँदा वडाध्यक्ष बुढाथोकीको घर जलेको हो ।

घर र गोठमा भएका सम्पूर्ण सामग्री जलेको जिल्ला प्रहरी कार्यालय सल्यानका प्रहरी नायब उपरीक्षक गोविन्द थापाले बताए ।