पत्रकार महासंघ कर्णाली प्रदेश अध्यक्षमा देवकोटा विजयी- कर्णाली - कान्तिपुर समाचार

पत्रकार महासंघ कर्णाली प्रदेश अध्यक्षमा देवकोटा विजयी

कान्तिपुर संवाददाता

वीरेन्द्रनगर — नेपाल पत्रकार महासंघको कर्णाली प्रदेश अध्यक्षमा देवीराम देवकोटा विजयी भएका छन् । अध्यक्षमा निर्वाचित देवकोटाले ४ सय २९ मत प्राप्त गरे भने उनका निकटतम प्रतिद्वन्द्वी विष्णु शर्माले ३ सय २१ मत प्राप्त गरे ।

पत्रकार महासंघ कर्णालीको अध्यक्ष र कोषाध्यक्षमा विजयी भएका देवीराम देवकोटा र गणेश कञ्‍चन भारती तस्बिर : सविता जिसीको फेसबुकबाट

निर्वाचन समितिका अनुसार खुल्ला उपाध्यक्षमा चक्रबहादुर खत्री, महिला उपाध्यक्षमा बिमला खड्का, महासचिवमा खगेन्द्रप्रसाद भट्टराई, सचिवमा दीपक बुढा, समावेशी सचिवमा अशोक राजी र कोषाध्यक्षमा गणेशकञ्चन भारती विजयी भएका छन् ।

त्यस्तै, महिला सदस्यमा चिना विक र सुरिता बस्नेत निर्वाचित भएका छन् । यसैगरी खुल्ला सदस्यमा जीवन शाही, सुवर्ण शाही, दीपकुमार जैसी, नन्दराम जैशी, सरोज वली, जितप्रसाद आचार्य, सुरेन्द्रबहादुर सिंह र हरिबहादुर सिंह विजयी भएका छन् ।


प्रकाशित : चैत्र २६, २०७७ १३:४३
प्रतिक्रिया
पठाउनुहोस्

शुक्रबारका लागि बोलाइएको कांग्रेस केन्द्रीय कार्यसमिति बैठक सर्‍यो

कान्तिपुर संवाददाता

काठमाडौँ — शुक्रबारका लागि बोलाइएको कांग्रेस केन्द्रीय कार्यसमितिको बैठक सरेको छ । कांग्रेस केन्द्रीय कार्यालयका मुख्यसचिव कृष्णप्रसाद पौडेलका अनुसार चैत २७ गतेलाई बोलाइएको बैठक चैत ३० गतेका लागि सारिएको हो ।

केन्द्रीय कार्यालय सानेपामा बसेको कांग्रेस केन्द्रीय कार्यसमितिको बैठक । फाइल तस्बिर : रोशन सापकोटा/रासस

समसामयिक राजनीतिक अवस्था र पार्टीको आगामी रणनीतिबारेमा छलफलका लागि बोलाइएको उक्त बैठकमा केन्द्रीय कार्यसमितिका पदाधिकारी, केन्द्रीय सदस्यहरु तथा आमन्त्रित सदस्यहरुलाई बोलाइएको छ ।

यसअघि चैत २० गते बसेको कांग्रेस केन्द्रीय कार्यसमितिको बैठकले प्रधानमन्त्री केपी शर्मा ओलीको राजीनामा माग्दै आफ्नै नेतृत्वमा वैकल्पिक सरकार निर्माणको पहल गर्ने निर्णय लिएको थियो ।

आफैंले विघटन गरेको प्रतिनिधिसभा विघटनलाई सर्वोच्च अदालतले असंवैधानिक भनिसकेपछि ओलीले नैतिकताका आधारमा राजीनामा दिएर मार्गप्रशस्त गर्नुपर्ने कांग्रेस बैठकले निचोड निकालेको थियो ।

प्रकाशित : चैत्र २६, २०७७ १३:२०
पूरा पढ्नुहोस्
प्रतिक्रिया
पठाउनुहोस्
×