कान्तिपुर वेबसाईट
AdvertisementAdvertisement
२१.१२°C काठमाडौं
काठमाडौंमा वायुको गुणस्तर: १५३

खुला चौरमा पढाइ

विप्लव महर्जन

सल्यान — शारदा नगरपालिका–१० पैयाखर्कस्थित जनता प्राथमिक विद्यालयका विद्यार्थी खुला चौरमा बसेर पढ्न बाध्य छन् । हावाहुरीले विद्यालय भवनको छाना (कर्कट पाता) फालेपछि विद्यार्थीलाई ६ महिनादेखि खुला चौरमा बसेर पढनुपर्ने बाध्यता भएको हो ।

खुला चौरमा पढाइ

मर्मतका लागि रकम नहुँदा छाना राख्‍न नसकिएको प्रधानाध्यापक डम्मरबहादुर चलाउनेले बताए । उनका अनुसार कक्षाकोठाको पर्खालसमेत चर्किएको छ । ‘खुला चौरमा पढाउँदा धुलोले बालबालिकामा स्वास्थ्य समस्या देखिन थालेको छ,’ उनले भने,‘विद्यालय सडक नजिकै भएकाले गाडी वारपार गर्दा विद्यालय क्षेत्र नै धुलाम्मे हुने गरेको छ ।’

कक्षा ५ सम्म पढाइ हुने विद्यालयमा ३० विद्यार्थी अध्ययनरत छन् । समयमै भवन मर्मत नहुँदा पठनपाठनमा समस्या भएको विद्यालय व्यवस्थापन समितिका अध्यक्ष वीरबहादुर विकले बताए । नगरपालिकाले भवन मर्मतमा बेवास्ता गरेको उनको गुनासो छ ।

प्रकाशित : चैत्र २१, २०७७ १७:४६
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?