लोडर खस्दा सह-चालकको मृत्यु
रुकुम पश्चिम — सडक कालोपत्रे गर्ने क्रममा लोडर दुर्घटना हुँदा सह-चालकको मृत्यु भएको छ ।
सानीभेरी गाउँपालिका–९ सुलिहालेस्थित मध्यपहाडी लोकमार्ग कालोपत्रे गरिरहेको बा २ क ९८८३ नम्बरको लोडर सडकबाट खस्दा कैलालीको गोदावारी नगरपालिका–४ का २२ वर्षीय सन्तोष बुढा मगरको मृत्यु भएको प्रहरीले जनाएको छ ।
बिहानको खाना खाएर लोडर स्टार्ट गर्ने क्रममा उक्त दुर्घटना भएको प्रहरी चौकी सिम्लीका इन्चार्ज प्रहरी नायब निरीक्षक तेजबहादुर खड्काले बताए ।
लोडर सडकबाट अन्दाजी ५० मिटर तल सानीभेरी नदीको बगरमा खसेको थियो ।
प्रकाशित : चैत्र १२, २०७७ १५:५२प्रतिक्रिया