फर्निचर उद्योगमा आगलागी, ५ करोडको क्षति
धनगढी — धनगढीस्थित नेपाल आयल निगमको भण्डारणस्थल नजिकै रहेको एउटा फर्निचर उद्योगमा आगलागी भएको छ ।
बजार क्षेत्रमै पर्ने चटकपुरस्थित आलोक मल्टी कन्सर्न प्रालिमा शनिबार दिउँसो सवा १२ बजे आगलागी हुँदा करिब ५ करोड बराबरको क्षति भएको प्रहरीले जनाएको छ ।
आगो नियन्त्रणका लागि धनगढी उपमहानगर र गोदावरी नगरपालिकाबाट आएका दमकल प्रयोग भइरहेको छ । आगो नियन्त्रणमा प्रहरी ,सशस्त्र प्रहरी,नेपाली सेना र स्थानीयवासी परिचालन भएका छन ।
आगलागीको कारण खुल्न बाँकी रहेको प्रहरीले जनाएको छ ।
प्रकाशित : फाल्गुन २२, २०७७ १४:२०प्रतिक्रिया