भरुवा बन्दुकसहित दुई पक्राउ- कर्णाली - कान्तिपुर समाचार
कान्तिपुर वेबसाईट
AdvertisementAdvertisement

भरुवा बन्दुकसहित दुई पक्राउ

विप्लव महर्जन

सल्यान — भरुवा बन्दुकसहित प्रहरीले सल्यानमा दुई जनालाई पक्राउ गरेको छ । जिल्लाको कालीमाटी गाउँपालिका-२ बस्ने ४५ वर्षीय कुलबहादुर सारुमगर र २५ वर्षीय कमल घर्तीलाई सोमबार दिउँसो पक्राउ गरेको हो ।

इलाका प्रहरी कार्यालय कालिमाटीबाट खटिएको प्रहरी टोलीले सारुमगरले घर नजिकै खोल्सामा लुकाएको र घर्तीले खेतमा लुकाएर राखेको बन्दुक बरामद गरिएको सल्यान प्रहरीका डीएसपी गोविन्द थापाले बताए ।

उनीहरुबारे थप अनुसन्धान भइरहेको प्रहरीले जनाएको छ ।

प्रकाशित : फाल्गुन १८, २०७७ १७:०३
प्रतिक्रिया
पठाउनुहोस्

प्रक्रिया मिचेर बीएन्डसीलाई सम्बन्धन दिन लागेको भन्दै कांग्रेसको आपत्ति

कान्तिपुर संवाददाता

काठमाडौँ — झापास्थित प्रस्तावित बीएन्डसी मेडिकल कलेजलाई प्रक्रिया मिचेर सम्बन्धन दिन लागेको भन्दै कांग्रेसले आपत्ति जनाएको छ ।

शिक्षामन्त्रीको ठाडो निर्देशनमा बीएन्डसीलाई सम्बन्धन दिन लागेको भन्दै कांग्रेस शिक्षा विभागले गम्भीर ध्यानाकर्षण भएको जनाएको हो । शिक्षामन्त्री कृष्णगोपाल श्रेष्ठले प्रक्रिया मिचेर विश्वविद्यालयको स्वयतत्तामाथि हस्तक्षेप गर्दै राजनीतिक दबाब सिर्जना गर्न खोजेको कांग्रेसले बताएको छ ।

कांग्रेसले राजनीतिक दबाब सिर्जना नगर्न भन्दै यस्ता कार्य गरे परिणाम दुःखद् हुने पनि चेतावनी दिएको छ ।

नेकपा सरकार आफैंले बनाएको ऐन, नियम तथा विभिन्न समयमा गरेका सम्झौता विपरीत बारम्बार यस्ता हस्तक्षेपका कार्य गर्नु खेदजनक र आपत्तिको कुरा भएको कांग्रेस शिक्षा विभागले ठहर गरेको छ ।

प्रकाशित : फाल्गुन १८, २०७७ १६:५८
पूरा पढ्नुहोस्
प्रतिक्रिया
पठाउनुहोस्
×