बहुविवाहमा वडा अध्यक्षलाई एक वर्ष कैद सजाय

जिल्ला अदालत सल्यानका न्यायाधीश कुलप्रसाद पाण्डेको इजलासले वडा अध्यक्ष कुमाई र उनकी पछिल्ली श्रीमती ग्वामी विष्टलाई कैद फैसला गरेको हो । घरमा दुई पत्नी र चार छोराछोरी भएका वडा अध्यक्ष कुमाईले गत मंसिर ३ गते ग्वामी विष्टलाई भगाएर फरार भएका थिए । लुकिछिपी बसेको अवस्थामा उजुरी परेपछि प्रहरीले मंसिर १९ गते दुवैजनालाई पक्राउ गरेको थियो ।

पक्राउ परेका वडा अध्यक्ष र उनकी श्रीमतीलाई अदालतले फैसला गरेपछि कारागार चलान गरिएको जिल्ला प्रहरी कार्यालय सल्यानका प्रनाउ गोविन्द थापाले बताएका छन् । दुई वटा श्रीमती हुँदाहुँदै वडा अध्यक्षले तेस्रो विवाह गरेको पहिले नै स्वीकार गरिसकेका थिए ।