फेसबुक मेसेन्जरमा महिलालाई अश्लील भिडियो पठाउने पक्राउ
सल्यान — फेसबुक मेसेन्जरमा महिलालाई अश्लील भिडियो पठाएको आरोपमा प्रहरीले एकजनालाई पक्राउ गरेको छ ।
अश्लील भिडियो पठाएर सताएको आरोपमा प्रहरीले कुमाख गाउँपालिका ४ सेरिडाँडाका ३६ वर्षीय रमेश भनिने रबि शाहीलाई पक्राउ गरेको हो ।
फेसबुक म्यासेन्जरमा अश्लील भिडियो,फोटो र सन्देश पठाएको भन्दै साइबर ब्युरोमा उजुरी परेपछि शाहीलाई पक्राउ गरिएको जिल्ला प्रहरी कार्यालय सल्यानले जनाएको छ ।
साइबर ब्यूरोले जिल्लामा पत्र पठाएपछि त्यसैको आधारमा शाहीलाई घरबाटै पक्राउ गरिएको जिल्ला प्रहरी कार्यालय सल्यानका डीएसपी गोविन्द थापाले बताए । शाहीलाई प्रहरी प्रधान कार्यालय काठमाडौं पठाइएको उनले जानकारी दिए ।
प्रकाशित : माघ ८, २०७७ १७:४९