मुगुमा सरकारविरुद्ध कांग्रेसको प्रदर्शन
मुगु — कांग्रेस मुगुले बिहीबार दिउँसो सरकारको विरुद्धमा गमगढीमा प्रदर्शन गरेको छ । बुधबार कांग्रेस वरिष्ठ नेता रामचन्द्र पौडेललाई तनहुँमा नियन्त्रणमा लिएको विषयमा सरकार विरुद्धमा गमगढीमा प्रदर्शन गरिएको हो ।
सहभागीले सरकारको ज्यादती होसियार, अभिनायकवादी ओली सरकार होसियार लेखिएका प्लेकार्ड र व्यानर प्रदर्शन गरेका थिए ।
तनहुँमा पुल उद्घाटन गर्न गएका पौडेललाई ओली सरकारले पक्राउ गरेको विरुद्धमा खबरदारी गरिएको कांग्रेस उपसभापति खगेन्द्र मल्लले बताए । ओली सरकारको दिनगन्ती सुरु भइसकेको उनको आरोप छ ।
गमगढी बजार क्षेत्रमा र्याली गरी गमगढी मिलनचोकमा कोणसभा आयोजना गरिएको थियो ।
प्रकाशित : मंसिर १८, २०७७ १७:०५प्रतिक्रिया