सल्यान दार्माका ३९ परिवारलाई सोलार

विद्युत् सेवाबाट वञ्चित भएका ३ नम्बर वडाको मैनेनी, कल्लेरी, डौराखोला, लामजिले, कालगिरे र दानवाङका विपन्न परिवारले सोलार पाएका छन् । प्रतिपरिवार ५० वाटको सोलार वितरण गरिएपछि दुर्गम बस्तीको अँध्यारो हटाउन सहयोग पुगेको गाउँपालिका अध्यक्ष नीमबहादुर केसीले बताए । उनका अनुसार थप २ सय परिवारलाई सोलार वितरण गर्ने गाउँपालिकाको योजना छ ।

सोलार पाएपछि सल्लाको दियालोबाट मुक्ति पाइएको स्थानीय दिलबहादुर रोकाले बताए । उनका अनुसार सौर्य उर्जाले वन र वातावरण संरक्षणमा पनि सहयोग पुगेको छ । सोलारले दैनिक कामकाज सहज बन्ने र बालबालिकाको पठनपाठनमा सहयोग पुग्ने उनले बताए ।