बालविवाहको आरोपमा पक्राउ- कर्णाली - कान्तिपुर समाचार
कान्तिपुर वेबसाईट
AdvertisementAdvertisement

बालविवाहको आरोपमा पक्राउ

विप्लव महर्जन

सल्यान — घरमा पत्नी हुँदाहुँदै बालिकालाई विवाह गरेको आरोपमा प्रहरीले बाग्चौर नगरपालिका–१ कोटबेतका २७ वर्षीय महेश बस्नेतलाई पक्राउ गरेको छ ।

उनले १६ वर्षीया बालिकालाई फकाएर बिहे गरेको प्रहरीले जनाएको छ ।

घटनाबारे थप अनुसन्धान भइरहेको जिल्ला प्रहरी प्रमुख डीएसपी गोविन्द थापाले बताए । पीडित बालिकाकी आमा नभएको र बुवा सुस्त मनस्थितिका भएकाले उनले फकाएर बिहे गरेको प्रहरीले जनाएको छ ।

आर्थिक अवस्था कमजोर भएकी बालिकालाई संरक्षण गर्छु भन्दै लिएका उनले मंसिर १२ गते विवाह गरेका थिए । प्रहरीका अनुसार बालिकालाई अभिभावकको जिम्मा लगाइएको छ ।

प्रकाशित : मंसिर १७, २०७७ १६:५०
प्रतिक्रिया
पठाउनुहोस्

बर्दिया निकुञ्‍जमा शव फेला

कमल पन्थी

बर्दिया — बर्दिया राष्ट्रिय निकुञ्जको लालमटियामा पहिचान नखुलेको शव फेला परेको छ । ईलाका प्रहरी कार्यालय, भुरीगाउँ बगनाहाका अनुसार निकुञ्जको ठाकुरबाबा नगरपालिका—२ लालमटियास्थित सडेको अवस्थामा शव फेला परेको हो ।

ईप्रका भुरीगाउँका प्रहरी निरीक्षक कविराज रोकायका अनुसार शवको प्रकृति हेर्दा पुरुषजस्तै देखिएकोले बुधबार शव परीक्षणका लागि बर्दिया अस्पताल पठाइएको छ ।

प्रकाशित : मंसिर १७, २०७७ १६:४४
पूरा पढ्नुहोस्
प्रतिक्रिया
पठाउनुहोस्
×