कर्णाली प्रदेश योजना आयोगको उपाध्यक्षमा खड्का

हाल विश्व खाद्य अधिकार सञ्जाल (फियान) का अन्तर्राष्ट्रिय अध्यक्ष रहेका डा. खड्का राज्य पुनर्संरचना सिफारिस तथा सुझाव आयोगका सदस्य र समाज कल्याण परिषद्का कार्यकारी निर्देशक भइसकेका छन् ।

मन्त्रिपरिषद् बैठकले मुख्यमन्त्री महेन्द्रबहादुर शाहीको समन्वय विज्ञका रुपमा नेकपाका केन्द्रीय सदस्य रहेका वीरेन्द्रनगर निवासी झकबहादुर मल्ललाई नियुक्त गर्ने निर्णय गरेको छ । यस्तै, सल्यानको कुमाख र दैलेखको भगवतीमाई गाउँपालिकाको वडा संख्या र सिमाना हेरफेरका सम्बन्धमा केन्द्र सरकारसमक्ष स्वीकृतिका लागि पठाउने निर्णय पनि बैठकले गरेको प्रवक्ता बिमला केसीले जानकारी दिइन् । उनका अनुसार समपुरक र विशेष अनुदान तर्फका गत वर्षदेखि स्थानीय तहहरुमा सञ्चालित आयोजनाहरुका लागि २२ करोड ५७ लाख ८५ हजार बजेट पठाउने निर्णय पनि गरेको छ । बैठकले कर्णाली प्रदेशको पर्यटन गुरुयोजना पनि स्वीकृत गर्ने निर्णय गरेको छ ।