मुगुमा आगलागीबाट ५ घर नष्ट- कर्णाली - कान्तिपुर समाचार
कान्तिपुर वेबसाईट
AdvertisementAdvertisement

मुगुमा आगलागीबाट ५ घर नष्ट

राजबहादुर शाही

मुगु — खत्याड गाउँपालिका–३ रोल गाउँमा बिहीबार दिउँसो १२ बजे आगलागी हुँदा ५ घर जलेका छन् । अकस्मात घरबाट सल्किएको आगोले रोल गाउँका हस्तबहादुर शाही, होमबहादुर शाही, डबलबहादुर शाही, टेकबहादुर शाही र सुनकौरा सिंहका घर जलेर खरानी भएको रोल गाउँका सर्जन शाहीले बताए ।

उनका अनुसार आगलागीका कारण खुलेको छैन । आगलागीबाट धनसम्पत्ति, लत्ताकपाडा, भाँडाकुँडा, काठका खटिया दराज जलेर नष्ट भएको छ ।

श्रीकोट प्रहरी चौकीबाट खटिएको टोली, रोल श्रीकोट र सैन गाउँका स्थानीयले करिब ३ घण्टापछि आगो निभाएका छन् । आगलागीबाट ५ घर जलेर ध्वस्त हुँदा करिब २५ लाख बराबरको धनमाल पूर्णरुपमा क्षति भएको श्रीकोट प्रहरी चौकीका इन्चार्ज बिष्णुबहादुर सेजुवालले बताए ।

प्रकाशित : मंसिर ११, २०७७ १६:०९
प्रतिक्रिया
पठाउनुहोस्

तनहुँमा बस दुर्घटना, २० जना घाइते

सम्झना रसाइली

तनहुँ — पृथ्वी राजमार्ग अन्तर्गत जिल्लाको आँबुखैरेनी गाउँपालिका–३ स्थित खहरेमा बिहीबार बस दुर्घटना हुँदा २० जना घाइते भएका छन् ।

दमौलीबाट मुग्लिङतर्फ जाँदै गरेको लु २ ख ८८३ नम्बरको बस खहरे खोलाको पुलबाट खस्दा बसमा सवार १७ जना र उक्त बसले ठक्कर दिएको मोटरसाइकलमा सवार ३ जना गरि २० जना घाइते भएको डीएसपी युवराज तिमल्सिनाले बताए । बसले विपरीत दिशाबाट आइरहेको ना ३२ प ५२५४ नम्बरको मोटरसाइकललाई ठक्कर दिएको डीएसपी तिमल्सिनाले बताए ।

खहरे खोलामाथिको पुल साँघुरो रहेको र ब्रेक हान्ने क्रममा गाडी आफैं अनियन्त्रित भइ पुलभन्दा करिब ५ सय मिटर तल बस खसेको उनले बताए ।

घाइतेमध्ये २ जनालाई चितवन मेडिकल कलेज, एक जनालाई पोखरा रिफर गरिएको र अन्यको स्थानीय अस्पतालमा उपचार भइरहेको जिल्ला प्रहरी कार्यालयले जनाएको छ ।

प्रकाशित : मंसिर ११, २०७७ १५:५१
पूरा पढ्नुहोस्
प्रतिक्रिया
पठाउनुहोस्
×