सल्यान सदरमुकाम एक साताका लागि सिल- कर्णाली - कान्तिपुर समाचार
कान्तिपुर वेबसाईट
AdvertisementAdvertisement

सल्यान सदरमुकाम एक साताका लागि सिल

विप्लव महर्जन

सल्यान — समुदायमा कोरोना संक्रमण बढेपछि शारदा नगरपालिका–२ स्थित सदरमुकाम खलंगा बजार एक साताका लागि सिल गरिएको छ । सोमबार १० जना स्थानीय तथा कर्मचारीमा कोरोना संक्रमण पुष्टि भएपछि जिल्ला प्रशासन कार्यालयले १५ गतेसम्मका लागि सदरमुकाम सिल गरेको हो । 

सदरमुकाम सिल भएपछि अत्यावश्यक कामबाहेक आवतजावतमा रोक लगाइएको छ । सिल भएसँगै होटेल, पसल र विभिन्न संघसंस्था बन्द प्रमुख जिल्ला अधिकारी हेमराज तामाङले बताए । उनका अनुसार अत्यावश्यकीय सेवा बिहान ८ देखि ९ बजेसम्म मात्र सञ्चालन गर्ने व्यवस्था मिलाइएको छ । सरकारी कार्यालय भने खुला रहने उनले जानकारी दिए ।

संक्रमित बढेसँगै कन्ट्रयाक्ट ट्रेसिङलाई तीव्रता दिइएको शारदा नगरप्रमुख सुरेश अधिकारीले बताए । आइतबार र सोमबार ३१ जना कोरोना संक्रमित थपिएपछि सल्यानमा संक्रमितको संख्या ६ सय ४५ पुगेको छ । जसमध्ये ५ सय ५० निको भइसकेका स्वास्थ्य सेवा कार्यालयले जनाएको छ । अहिलेसम्म २ जनाको कोरोनाबाट ज्यान गएको छ ।

प्रकाशित : मंसिर ९, २०७७ १५:४६
प्रतिक्रिया
पठाउनुहोस्

वैदेशिक रोजगार विभागद्वारा ३ म्यानपावर कम्पनीमा छापा

कान्तिपुर संवाददाता

काठमाडौँ — कतारको प्रहरी सेवामा लैजाने भन्दै अवैध रुपमा अन्तर्वार्ता लिइरहेको अवस्थामा वैदेशिक रोजगार विभागले मंगलबार काठमाडौंको होप इन्टरनेशनल म्यानपावरमा छापा मारेको छ ।

विभागले उक्त म्यानपावरको विभिन्न कागाजत समेत नियन्त्रणमा लिएको छ ।

कतारको प्रहरी सेवामा जाने कामदारको अन्तर्वार्ता गरिरहेको अवस्थामा विभागको टोलीले मंगलबार दिउँसो १ बजे होप म्यानपावरमा छापा मारेको हो । पूर्व स्वीकृति नलिई अन्तर्वार्ता लिएको पाइएपछि छापा हानिएको विभागका अनुसन्धान अधिकृत कुशल बरालले बताए ।

सोमबार एसओएस म्यानपावर सर्भिस र डीडी इन्टरनेशनल म्यानपावरमा पनि विभागले छापा हानेर कागजात नियन्त्रणमा लिएको थियो ।

अन्तर्वार्ता लिनका लागि कतारको आन्तरिक मन्त्रालयको मानव संशाधन विभागका उच्च अधिकारीहरु समेत आएका थिए ।

विभागले ३ वटै म्यानपावर सञ्चालकहरुलाई २४ घन्टाभित्र विभागमा बयान दिनका लागि उपिस्थित हुन निर्देशन दिएको छ ।

प्रकाशित : मंसिर ९, २०७७ १५:३१
पूरा पढ्नुहोस्
प्रतिक्रिया
पठाउनुहोस्
×