मुगुको छायानाथ रारामा जग्गा बाँझो राख्‍नेले सरकारी सुविधा नपाउने- कर्णाली - कान्तिपुर समाचार
कान्तिपुर वेबसाईट
AdvertisementAdvertisement

मुगुको छायानाथ रारामा जग्गा बाँझो राख्‍नेले सरकारी सुविधा नपाउने

राजबहादुर शाही

मुगु — छायानाथ रारा नगरपालिका–४ ले जग्गा बाँझो राख्नेलाई वडा कार्यालयबाट पाउने सरकारी सेवा सुविधा नदिने भएको छ । खेतीयोग्य जमिन बाँझो राख्दा खाद्यान्न परनिर्भरता बढेको भन्दै वडा कार्यालयले सार्वजनिक सूचना प्रकाशित गरी सुविधामा रोक लगाएको हो । 


वडाले खेतीयोग्य जग्गामा खाद्यान्न लगाउन वडावासीलाई निर्देशन दिएको छ । ‘आफ्नो जग्गा बाँझो राखेर बाहिरको खाद्यान्न उपभोग गर्ने प्रवृत्ति देखियो,’ वडाध्यक्ष विष्णुकुमार भामले भने, ‘जग्गा बाँझो राख्दा स्थानीयवासी खाद्य संस्थानकै चामलको भर पर्नुपरेको छ ।’ उनका अनुसार ४ नम्बर वडाको भामबाडा, कालापाल्त, ताल्चालगायत क्षेत्रमा पर्याप्त खाद्यान्न, फलफूल र तरकारीको उत्पादन हुन्छ ।

खेतीयोग्य जग्गा बाँझो नराखे वडावासीलाई वर्षैभरि पुग्ने अन्न पर्याप्त हुने उनले बताए । उनले रैथानै बाली उत्पादन गर्न वडावासीलाई आग्रह गरे ।

प्रकाशित : मंसिर ७, २०७७ १५:४८
प्रतिक्रिया
पठाउनुहोस्

हतियारसहित चन्द समूहका सेक्सन कमाण्डर पक्राउ

जितेन्द्र साह

विराटनगर — प्रतिबन्धित नेत्र विक्रम चन्द समूहका सेक्सन कमाण्डर ३२ वर्षीय पेम्बा सांगे शेर्पालाई शनिबार दिउँसो मोरङको उर्लाबारी नगरपालिका–६ रमाइलो टोलस्थित एक घरबाट प्रहरीले पक्राउ गरेको छ ।

मोरङ प्रहरीका अनुसार शेर्पाले बोकेको कालो झोलाभित्र एक थान पेस्तोल, ७.६५ लेखिएको तीन गोली लोड भएको सोहि पेस्तोलमा लाग्ने १ म्यागजिन बरामद भएको छ । उक्त हतियारमा ‘अटो पिस्टल यूएसए’ लेखिएको प्रहरीले जनाएको छ । उनी ताप्लेजुङ फाक्ताङलुङ गाउँपालिका–२ का बासिन्दा हुन् ।

हतियार बाहेक शेर्पाबाट उनकै सक्कल नागरिकताको प्रमाण पत्र, मतदाता परिचय पत्र, पावर बैंक, नोटबुक, आएइ गरेको रसिद, ३ मोबाइल, पाटीको सहयोग रसिद प्याड, जनमुमुक्ति सेना सम्बन्धि एक र रातो सुखानी लेखिएको एक पुस्तक, कालो डायरी, ८ झोला तथा १८ थान ज्याकेट बरामद भएको प्रहरीले भनेको छ ।

शेर्पाले प्रयोग गरिरहेको विभिन्न कम्पनीका पाँच सिमकार्ड समेत बरामद भएको मोरङ प्रहरी प्रमुख एसपी सन्तोष खड्काले बताएका छन् । उनका अनुसार गोप्य सूचनाको आधारमा शनिबार दिउँसो १ बजे खान तलासी गर्दा एक स्थानीयको एक तल्ले पक्की घरको कोठाभित्र बसिरहेको अवस्थामा उनी पक्राउ परेका हुन् ।

यसअघि चन्दा असुलीमा संलग्न चन्द समूहका पूर्वी कमान्ड अन्तर्गतका कम्पनी कमिस्नरसहित दुई जनालाई १२ कात्तिकमा मोरङको मिक्लाजुङ गाउँपालिका–१ घुर्मिसेबाट हतियार, ठूलो परिमाणमा बिस्फोटक पदार्थ एवं थरिथरिका दस्ताबेजसहित प्रहरीले पक्राउ गरेको थियो ।

उनीहरुबाट पनि दस्ताबेज बाहेक भरुवा बन्दुक र यसमा प्रयोग हुने फलामको टुक्रा १ बट्टा, दुई प्याकेटमा रहेको ३ किलो जिलेटिन, २ सुतली बम, १ सकेट बम, १ टुकी बम, ३५ वटा इलेक्ट्रिक डेटोनेटर, १८ थान नन इलेक्ट्रिक डेटोनेटर, ६ थान लाइटर, १२ भोल्टको ब्याट्री, ४ बट्टा गन पाउडर र बारुद, पिलास, पेचकस, स्वीच, ३८.१० मिटर सेफ्टी फ्यूजको तार र ९० मिटर बिजुलीको डब्बल तार बरामद भएको थियो ।

प्रकाशित : मंसिर ७, २०७७ १५:४१
पूरा पढ्नुहोस्
प्रतिक्रिया
पठाउनुहोस्
×