हुम्लामा टेलिकमको भिस्याट सेवा- कर्णाली - कान्तिपुर समाचार
कान्तिपुर वेबसाईट
AdvertisementAdvertisement

हुम्लामा टेलिकमको भिस्याट सेवा

छपाल लामा

हुम्ला — नेपाल टेलिकमले सदरमुकाम सिमकोटमा पहिलोपल्ट भिस्याट प्रविधि जडान गरेको छ ।

हिउँदको समयमा हिमपात हुँदा टेलिकमको रेडियो लिंक बिग्रिएर टेलिफोन सेवा अवरुद्ध हुने भएपछि भिस्याट सेवा जडान गरिएको हो ।

भिस्याट जडानपछि स्थानीयले हिमपातको समयमा भोग्नुपर्ने टेलिफोन नेटवर्कविहीनको समस्याबाट मुक्ति पाएको टेलिकम प्रमुख शिवप्रसाद भट्टराईले बताए ।

उनका अनुसार सेवा सुचारु भएसँगै हिमपातको समयमा पनि जिल्लामा सबैखाले सञ्चार सेवा सुचारु हुनेछन् । ‘यसअघि टेलिकमको रेडियो लिंकले काम नगर्दा अन्य कम्पनीबाट सेवा लिइ टेलिफोन सेवा सुचारु गर्नुपर्ने बाध्यता थियो,’उनले भने, ‘भिस्याटले टेलिफोन र मोबाइकलको नेटवर्क कभरेज बढाउन पनि मद्दत मिलेको छ ।’

विगतमा नेपाल टेलिकमको रेडियो लिंकले काम नगर्दा दुर्गम भेगका बासिन्दा एक सातादेखि एक महिनासम्म सञ्चार सेवाबाट वञ्चित थिए ।

प्रकाशित : कार्तिक २, २०७७ १६:५८
प्रतिक्रिया
पठाउनुहोस्

२४ घण्टामा कोरोनामुक्त भएर २३ सय २६ डिस्चार्ज, थप १२ जनाको मृत्यु 

कान्तिपुर संवाददाता

काठमाडौँ — कोरोना भाइरस संक्रमण निको भएर थप २३ सय २६ जना घर फर्किएका छन् । स्वास्थ्य तथा जनसंख्या मन्त्रालयले पछिल्लो २४ घण्टामा विभिन्न जिल्लाबाट २३ सय २६ जना डिस्चार्ज भएका जानकारी दिएको हो । यो सँगै नेपालमा कोरोना निको हुनेको संख्या ९२ हजार १६६ पुगेको छ । 

यस्तै २४ घण्टाको अवधिमा देशभर गरी थप १२ जनाको मृत्यु भएको छ । यो सँगै मृतकको संख्या ७३९ पुगेको छ ।

२४ घण्टामा देशभर २९ सय ४२ जना संक्रमित थपिएका छन् । नेपालमा कोरोना संक्रमितको संख्या १ लाख ३२ हजार २४६ पुगेको छ ।

२४ घण्टामा १४ हजार ८७५ पीसीआर परीक्षण भएका छन् । हालसम्म कोरोना सक्रिय संक्रमितको संख्या ३९ हजार ३४१ पुगेको छ ।


प्रकाशित : कार्तिक २, २०७७ १६:५६
पूरा पढ्नुहोस्
प्रतिक्रिया
पठाउनुहोस्
×