डा. केसीको समर्थनमा जुम्लामा दिप प्रज्वलन- कर्णाली - कान्तिपुर समाचार
कान्तिपुर वेबसाईट
AdvertisementAdvertisement

डा. केसीको समर्थनमा जुम्लामा दिप प्रज्वलन

एलपी देवकोटा

जुम्ला — चिकित्सा शिक्षाको सुधार र कर्णाली स्वास्थ्य विज्ञान प्रतिष्ठानमा एमबीबीएस कार्यक्रम सुरु गर्नुपर्ने माग राख्दै १९ औं सत्याग्रहमा बसेका डा.गोविन्द केसीको समर्थनमा जुम्लाको नागरिक समाजले शनिबार दिप प्रज्वलन गरेको छ ।

डा.केसीको अनशनलाई ऐक्यबद्धता जनाउँदै नागरिक समाजलेखलंगा बजारमा रहेको कृष्ण मन्दिर अगाडि दिप प्रज्वलन गरेको हो ।

डा.केसीले उठाएका मागहरु जायज भएकाले तत्काल सम्बोधनका लागि सरकारलाई दबाब दिन हरेक साँझ दिप प्रज्वलन गर्ने नागरिक समाजका अध्यक्ष राजबहादुर महतले बताए । 'जुम्लाका आमनागरिक डा.केसीको पक्षमा छन्', उनले भने, 'हामी शान्तिपूर्ण ढंगबाट सरकारलाई दबाब दिन विभिन्न कार्यक्रमहरु पनि गर्नेछौं । डा.केसीको स्वास्थ्य अवस्था दिन प्रतिदिन बिग्रँदै गए पनि सरकारले कुनै सुनुवाइ नगरेको भन्दै नागरिकहरु आक्रोशित बनेको छन् ।

डा केसी जुम्लाको चन्दननाथ नगरपालिका ६ रानिचौरस्थित बाविरामष्टको मन्दिरमा अनशन बसेको शनिबार छैटौं दिन पुगेको छ । उनको स्वास्थ्य बिग्रँदै गएको चिकित्सकले बताएका छन् ।

प्रकाशित : आश्विन ३, २०७७ १९:३०
प्रतिक्रिया
पठाउनुहोस्

डा.केसीलाई तत्काल अस्पताल लैजान चिकित्सकको सुझाव

केसी अस्पताल जान मानेनन्
एलपी देवकोटा

जुम्ला — चिकित्सा शिक्षामा सुधारको माग गर्दै जुम्लामा अनशन बसेका डा.गोविन्द केसीको स्वास्थ्य अवस्था छैटौं दिन बिग्रदै गएपछि चिकित्सहरुले तत्कालै अस्पताल लैजानुपर्ने सुझाव दिएका छन् । डा.केसीलाई २४ सै घण्टा नियमित मनिटर गर्न सकिने ठाउँमा यथाशीघ्र स्थानन्तर गर्नु पर्ने कर्णाली स्वास्थ्य विज्ञान प्रतिष्ठानका डा. प्रवीणकुमार गिरीले बताए ।

डा.केसी अनशन बसेको छैटौं दिनको स्वास्थ्य अवस्थाबारे जानकारी दिँदै भने प्रतिष्ठानको चिकित्सकको टोलीले दिनमा ३ पटक सामान्य स्वास्थ्य जाँच गरी अस्पताल जान परामर्श दिएका छन् । तर केसीले भने अस्पताल जान र नशाबाट सलाइन लिन मानेका छैनन् ।

डा.केसीलाई अहिले चक्कर लाग्ने, मांसपेशी बाउडिने, मुटुको चालमा गडबढी हुने, छाती दुख्ने र सास फेर्न गाह्रो हुने भएको छ । पिसाबको मात्रामा कमी भएको र ब्लड प्रेसर क्रमिकरुपमा घट्दै गएको चिकित्सकहरुले जनाएका छन् ।

कर्णाली स्वास्थ्य विज्ञान प्रतिष्ठानमा एमबीबीएस लगायतका कार्यक्रमहरु तत्काल सञ्चालन गरिनुपर्ने सहितका मागहरु राखेर डा.केसीले जुम्लामा सत्याग्रह थालेका हुन् । डा.केसीको अनशनस्थलमा गएर एक्यबद्धता जनाउनेहरुको संख्या बढ्दै गएको छ ।

प्रकाशित : आश्विन ३, २०७७ १६:४८
पूरा पढ्नुहोस्
प्रतिक्रिया
पठाउनुहोस्
×