स्वास्थ्यकर्मीलाई कोरोना देखिएपछि कपुरकोट बजार सिल

समुदायमा कोरोना संक्रमण फैलन सक्‍ने भएकाले बिहीबार राति १० बजेदेखि लागू हुने गरी एक हप्ताका लागि बजार सिल गरिएको गाउँपालिकाका अध्यक्ष भिमबहादुर सेनले बताए । संक्रमित स्वास्थयकर्मीलाई होम आइसोलेसनमा राखिएको उनले बताए ।

बजार आसपासका क्षेत्रमा स्वाब संकलन गर्ने तयारी भइरहेको गाउँपालिकाका स्वास्थ्य शाखा प्रमुख अरुण दाहालले बताए ।

सल्यानमा हालसम्म ३ सय जनामा कोरोना देखिएको स्वास्थ्य कार्यालय सल्यानका कोरोना फोकल पर्सन रिखाराम पुनले बताए । हालसम्म २ सय ५७ जना संक्रमित निको भएर घर फर्किएको उनले बताए ।