१७.१२°C काठमाडौं
काठमाडौंमा वायुको गुणस्तर: १६०

२० लाखसहित तीन सातादेखि ठेकेदार बेपत्ता 

राजबहादुर शाही

मुगु — मुगुमकार्मारोङ गाउँपालिका–२ मुगुगाउँका २८ वर्षीय ठेकेदार टाासी तामाङ २० रुपैयाँसहित ३ सातादेखि बेपत्ता भएका छन् । तामाङले साउन १३ गते पुलुस्थित राष्ट्रिय वाणिज्य बैंकबाट कोइकी पर्यटकीय पदमार्गको भुक्तानी लिएका थिए । 

बैंकबाट रकम लिएर गाउँ फर्कने क्रममा उनी बेपत्ता भएका हुन् । बेपत्ताको खोजीका लागि विभिन्न ठाउँमा प्रहरी परिचालन गरिए पनि अझै फेला पार्न नसकेको जिल्ला प्रहरी प्रमुख डीएसपी भुवनेश्वरप्रसाद शाहले बताए । उनका अनुसार साउन १३ गते राति उनी चितैकुनाको एक होटेलमा बास बसेका थिए ।

पदमार्ग निर्माणको जिम्मा उनका दाइ उर्गिन तामाङले लिए पनि उनले निर्माण कम्पनीको प्रतिनिधिको रुपमा काम गर्दै आइरहेका छन् । मजदुरलाई वितरण गर्न तामाङले बैंकबाट रकम भुक्तानी लिएको प्रहरी अनुसन्धानबाट खुलेको छ । सदरमुकाम गमगढीबाट मुगुमकार्मारोङ गाउँपालिकाको केन्द्र पुलु पुग्न झण्डै एक दिनको पैदल दूरी छ । ठेकेदार बेपत्ता भएपछि मजदुरले काम गरेको ज्याला पाएका छैनन् ।

प्रकाशित : श्रावण ३०, २०७७ १७:०५
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?