अदालत पुग्यो केन्द्र विवाद - कर्णाली - कान्तिपुर समाचार
कान्तिपुर वेबसाईट
AdvertisementAdvertisement

अदालत पुग्यो केन्द्र विवाद 

चाँदनी कठायत

वीरेन्द्रनगर — चिंगाड गाउँपालिकाको स्थायी केन्द्र अवलचिङ हुनुपर्ने माग गर्दै स्थानीयले उच्च अदालत सुर्खेतमा मुद्दा दायर गरेका छन् । गाउँपालिका स्थापना भएदेखि नै कायम रहेको प्रशासनिक केन्द्र अलवचिङ नभइ पुङ्खेत सार्ने निर्णय कार्यपालिका बैठकले गरेपछि स्थानीयले विरोध जनाउँदै रिट दायर गरेका हुन् । 

चिंगाड गाउँपालिकाको हालको केन्द्र अलचिङ


गाउँपालिकाको केन्द्र सार्ने निर्णयको विरोध गर्दै ५ नम्बर वडाका लालबहादुर जिसी, भक्तबहादुर आरसी, मोहन राना र तिलबहादुर रानाले सोमबार रिट दायर गरेका हुन् । उक्त मुद्दामाथि अदालतले दुवै पक्षलाई साउन ३२ गते छलफलमा बोलाएको छ । न्यायाधीश विनोद शर्माको एकल इजलासले कार्यपालिकाको निर्णय कार्यान्वयन गर्ने/नगर्ने विषयमा दुवै पक्षसँग छलफल गरी निर्णय गर्नुपर्ने जनाएको हो ।

कार्यपालिका बैठकले केन्द्र तोकेको गाउँपालिकाको केन्द्र पुङ्खेत ।

यसअघि २०७५ माघ ७ गतेको गाउँसभाबाट केन्द्र सार्ने निर्णय गरिएपछि स्थानीयले विरोध जनाएका थिए । कार्यपालिकाको गत असार ९ गते बसेको बैठकले पुन: अवलचिङबाट पुङ्खेतमा केन्द्र सार्ने निर्णयलाई अनुमोदन गर्न कर्णाली प्रदेश सरकारलाई आग्रह गरेको थाहा पाएपछि स्थानीय अदालत पुगेका हुन् । उनीहरुले खोला किनारमा केन्द्र सार्न खोजिएको भन्दै सबैलाई पायक पर्ने अवलचिङमा नै केन्द्र तोक्नुपर्ने माग गर्दै आएका छन् । भूगोल तथा पहुँचका हिसाबले पनि अवलचिङ नै उचित रहेको भन्दै स्थानीयले प्रदेश सरकारले पनि आवश्यक सहजीकरण गरी नयाँ निर्णय लिन सहयोग गर्ने आशा लिएको विज्ञप्तिमार्फत जनाएका छन् ।

प्रकाशित : श्रावण २९, २०७७ १५:२८
प्रतिक्रिया
पठाउनुहोस्

चीनद्वारा सन् २०५० सम्मको रेलवे लक्ष्य सार्वजनिक

लक्ष्मी लम्साल

बेइजिङ — चीनले सन् २०३५ भित्र ५ लाख जनघनत्व भएका चीनका सबै सहरमा हाइ स्पीड रेल सेवा पुर्‍याइसक्ने घोषणा गरेको छ। प्रस्तावमा आधुनिक रेलवे सञ्जालमा पनि विश्वको पहिलो स्थानमा उक्लिने लक्ष्य चीनले राखेको  छ ।

हाल रेलवेमा विश्वको दोस्रो स्थानमा रहेको चीन हाइ स्पीड रेलमा विश्वकै पहिलो स्थानमा छ । बिहीबार चिनियाँ सञ्चारमाध्यमहरूले जनाएअनुसार चीनको राष्ट्रिय रेलवे ग्रुपले सन् २०३५ र २०५० सम्मको रेल विकासको महत्वाकांक्षी लक्ष्य पेश गर्दै अबको १५ वर्षमा चिनियाँ हाइ स्पीड रेलको सेवा अझै प्रभावशाली हुने बताएको छ ।

योजना अनुसार हाइ स्पीड रेलको सुरक्षा, मजबुतीको ग्यारेन्टी, विश्वको अत्याधुनिक रेलवे सेवाको महादेश बन्ने चीनको लक्ष्य राखिएको छ । राष्ट्रिय रेलवे विकास तथा सुधार विभागका उपाध्यक्ष तिन ल्याङले भने, ‘अत्याधुनिक हाइस्पीड रेलमा फाइभ जी र पैतौ नेभिगेसन प्रणालीको संयोजन हुनेछ ।’

सन् २०५० सम्मको रेलवे लक्ष्यमा आधुनिक प्रविधिको प्रयोग, यातायात सुरक्षा तथा दक्षता, हरित पर्यावरण र विश्व प्रतिस्पर्धामा अग्रणी हुने कुरा उल्लेख छ ।

तथ्यांक अनुसार यस वर्षको जुलाई अन्तिम सम्ममा चीनको रेलवे अपरेटिङ माइलेज १ लाख ४१ हजार ४०० किलोमिटर पुगेको छ । यो विश्वको दोस्रो स्थान हो भने ३६ हजार किलोमिटर हाइ स्पीड रेल माइलेजका साथ चीन विश्वको प्रथम स्थानमा रहेको छ ।

चिनियाँ उद्योग तथा विद्युत मन्त्रालयका सञ्चार निर्देशक मो चसुङले भविष्यमा जडान गरिने ‘सुपर ब्रेन’ प्रविधिले परम्परागत ट्रयाकलाई विस्थापित गर्ने जानकारी दिए । तिब्बतको ल्हासा बाहेक चीनका सबै प्रदेश सदरमुकाम र हङकङमा चिनियाँ केन्द्रीय हाइ स्पीड रेल सञ्जालले छोएको छ ।

प्रकाशित : श्रावण २९, २०७७ १५:२३
पूरा पढ्नुहोस्
प्रतिक्रिया
पठाउनुहोस्
×