मुगुमा जिप दुर्घटना, १ जनाको मुत्यु, १० घाइते- कर्णाली - कान्तिपुर समाचार
कान्तिपुर वेबसाईट
AdvertisementAdvertisement

मुगुमा जिप दुर्घटना, १ जनाको मुत्यु, १० घाइते

राजबहादुर शाही

काठमाडौँ — जिल्ला सदरमुकाम गमगढीदेखि सोरु गाउँपालिकाको तारापानी बजारतर्फ जाँदै गरेको क १ ज ३२ नम्बरको बोलेर जिप निगाले गाउँको खोलामा दुर्घटना हुँदा १ जनाको मृत्यु भएको छ । १० जना घाइते भएका छन् ।  

मुगुमा जिप दुर्घटना भएका घाइतेहरुको जिल्ला अस्पतालमा उपचार गरिँदै तस्बिर : राजबहादुर शाही/कान्तिपुर

जिप बुधबार दिउँसो करिब ४ बजे दुर्घटना भएको हो । विपरीत दिशाबाट आएको मोटरसाइकल जोगाउन खोज्दा चिप्लिएर दुर्घटना भएको प्रहरीको प्रारम्भिक अनुमान छ । मृतकको नाम खुल्न सकेको छैन ।

घटनाबारे अनुसन्धान भइरहेको जिल्ला प्रहरी कार्यालयका प्रहरी नायव उपरिक्षक भुवनेश्वरप्रसाद साहले बताए । घाइते हुनेहरुमा सोरु गाउँपालिका–७ का रुपलाल बुढा, वडा नं–८ सिह रावल, बिर्सना रावल, खेमराज रावल, वडा नं–५ का सुरेश शाही, राजबहादुर शाही, वडा नं–९ का रगु बिटालु, भक्त बिटालु, वडा नं ३ का कमलराज बुमी र जिप चालक खेमराज हमाल छन् ।

चिकित्सकका अनुसार घाइतेमध्ये २ जनाको अवस्था गम्भीर छ । घाइतेहरुको जिल्ला अस्पताल ठिनीमा उपचार भइरहेको डा मिना चौलागाईंले बताइन् ।

प्रकाशित : श्रावण २८, २०७७ १८:५७
प्रतिक्रिया
पठाउनुहोस्

च्यांग्रा स्रोत केन्द्रको १ करोड बजेट फ्रिज 

राजबहादुर शाही

मुगु — मुगुमकार्मारोङ गाउँपालिकाको चित्तैमा च्यांग्रा स्रोत केन्द्र स्थापना गर्न प्रदेश सरकारले पठाएको १ करोड बजेट फ्रिज जाने भएको छ । 

कर्णाली सरकारले जिल्ला पशुसेवा कार्यालयमार्फत स्रोत केन्द्र स्थापना गर्न बजेट पठाएको थियो ।

कोटेसन आव्हानमा ढिलाइ र लकडाउनका कारण काम गर्न समस्या भएपछि बजेट फिर्ता जाने निश्चित भएको पशुसेवा कार्यालय प्रमुख भिमचन्द वुढाले बताए । ‘लकडाउन खुकुलो भएपछि भवन निर्माण गर्न खोजे पनि २० लाख रुपैयाँ पनि खर्च हुन मुस्किल देखियो,’ उनले भने, ‘काम नभएपछि अधिकांश रकम फ्रिज जाने भएको छ ।’ उनका अनुसार चीनसँग सीमा जोडिएकाले मुगुमकार्मारोङ गाउँपालिकामा च्यांग्रापालन उपयुक्त मानिएको छ ।

चरिचरन क्षेत्र पनि प्रशस्त भएकोले चित्तैमा केन्द्र स्थापना गर्ने प्रदेश सरकारले निर्णय गरेको थियो । बजेट फ्रिज जाने भएपछि व्यावसायिक च्यांग्रापालनमा आकर्षित भएका किसान निरास बनेको उनले बताए ।

प्रकाशित : असार १६, २०७७ १६:१६
पूरा पढ्नुहोस्
प्रतिक्रिया
पठाउनुहोस्
×