त्रिवेणी गाउँपालिकाका लेखापालसहित २ जनामाथि आक्रमण- कर्णाली - कान्तिपुर समाचार
कान्तिपुर वेबसाईट
AdvertisementAdvertisement

त्रिवेणी गाउँपालिकाका लेखापालसहित २ जनामाथि आक्रमण

हरि गौतम

रुकुम पश्चिम — त्रिवेणी गाउँपालिकाका लेखापाल हेमन्त केसी र उनका भतिजा सुवास केसी सांघातिक आक्रमण परेका छन् । सदरमुकाम खलंगास्थित कोष तथा लेखा नियन्त्रण कार्यालयबाट घर फर्किने क्रममा उनीहरुमाथि कुटपिट भएको हो ।

त्रिवेणी गाउँपालिका–४, लामाखेतमा बसिरहेका भीमबहादुर पुन, निराजन पुन र खगेन्द्र महरलगायत ५ जनाले उनीहरुमाथि आक्रमण गरेको प्रहरीले जनाएको छ ।

प्रहरीका अनुसार उनीहरु रा–१ ब ८२१ नम्बरको सरकारी मोटरसाइकलमा फर्कदै थिए । लेखापाल केसीले कुटपिट गर्नेहरुविरुद्ध प्रहरी चौकी, सिम्रुतुमा उजुरी दिएका छन् । चौकी इन्चार्ज प्रहरी नायब निरीक्षक सन्तोष शाहले उजुरी आएपछि घटनाबारे आवश्यक अनुसन्धान थालिएको बताए ।

सुवास त्रिवेणी गाउँपालिकाको लेखा सहयोगीबाट बर्खास्तीमा परेका व्यक्ति हुन् । लेखापाल केसीले आफूसहित सुवास र पत्नी विर्माको खातामा सरकारी रकम जम्मा गरेका थिए ।

३ जनाको खातामा जम्मा गरिएको २४ लाख ९२ हजार ३ सय ७२ रुपैयाँ गाउँपालिकाकै खातामा फिर्ता आइसकेको छ भने घटनाबारे जिल्ला प्रशासन कार्यालयले छानबिन गरिरहेको छ ।

यो पनि पढ्नुहोस्ः

लेखापाल, श्रीमती र भतिजाको खातामा जम्मा भएको सरकारी रकम फिर्ता

प्रकाशित : श्रावण २८, २०७७ १६:४७
प्रतिक्रिया
पठाउनुहोस्

२४ घन्टामा थप ४ सय ८४ जना संक्रमित 

कान्तिपुर संवाददाता

काठमाडौँ — नेपालमा थप ४ सय ८४ जना कोरोना भाइरसबाट संक्रमित भएका छन् । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले बुधबार नियमित प्रेस ब्रिफिङका क्रममा पछिल्लो २४ घन्टामा ४ सय ८४ जनामा संक्रमण पुष्टि भएको जानकारी दिएका हुन् ।

यो सँगै नेपालमा संक्रमितको संख्या २४ हजार ४३२ पुगेको छ ।

पछिल्लो २४ घन्टामा ६४ जना कोरोना संक्रमित निको भएर डिस्चार्ज भएका छन् । हालसम्म कोरोनामुक्त हुनेको संख्या १६ हजार ७ सय २८ छ ।

प्रवक्ता गौतमले क्वारेन्टाइनमा १४ हजार ८ सय ४६, आइसोलेसनमा ७ हजार ६ सय १३ रहेको जनाए ।

पछिल्लो २४ घन्टामा १० हजार ४ सय ८१ पीसीआर परीक्षण गरिएका छन् भने हालसम्म ४ लाख ७३ हजार १७९ पीसीआर परीक्षण गरिएको प्रवक्ता गौतमले बताए ।



स्रोत : स्वास्थ्य तथा जनसंख्या मन्त्रालय ।




प्रकाशित : श्रावण २८, २०७७ १६:३५
पूरा पढ्नुहोस्
प्रतिक्रिया
पठाउनुहोस्
×