पहिरोले ट्यांकी र पाइप बगाएपछि खानेपानी अभाव

ट्यांकी र पाइप बगाएपछि दार्माका १ सय ७५ घरमा खानेपानी अभाव भएको हो । खानेपानी अभाव भएपछि दूषित पानी प्रयोग गर्नुपर्ने बाध्यता भएको स्थानीय कर्णबहादुर खड्काले बताए । ‘पानी नपरेको दिन डेढ घण्टा हिँडेर खोलाबाट पानी ल्याउनुपर्ने बाध्यता छ,’ उनले भने, ‘सरसफाइका काम पनि प्रभावित भएका छन् ।’ उनका अनुसार पहिरोले गाउँका २ घर र सिँचाइ कुलोमा समेत क्षति पुर्‍याएको छ ।

अविरल वर्षापछि आएको पहिरोले २ करोड २२ लाख रुपैयाँको लगानीमा निर्माणाधीन योजनामा क्षति पुर्‍याएको गाउँपालिकाका अध्यक्ष नीमबहादुर केसीले बताए । पहिरोले क्षति पुर्‍याएको स्थानमा मर्मतका लागि प्राविधिक खटाइएको उनले बताए ।