कर्णालीमा थप २९ जनामा कोरोना, संक्रमितको संख्या २६२ पुग्यो

कान्तिपुर संवाददाता

वीरेन्द्रनगर — कर्णाली प्रदेशमा मंगलबार थप २९ जनामा कोरोना संक्रमण देखिएको छ । मंगलबार सुर्खेतस्थित प्रदेश अस्पताल र पशुपन्छी रोग अन्वेषण प्रयोगशालामा गरिको परीक्षणको रिपोर्टमा सुर्खेतका ११, सल्यानका ९ र अछामा ९ जनामा कोरोना संक्रमण देखिएको हो ।

योसँगै कर्णालीमा संक्रमितको संख्या २ सय ६२ पुगेको छ । संक्रमितहरु १४ देखि ५० वर्ष उमेर समूहका रहेका छन् । जसमध्ये २७ जना पुरुष र २ जना महिला रहेका छन्।

पछिल्लो समय कर्णाली प्रदेशमा भारतबाट फर्किनेहरुको संख्या बढेसँगै कोरोना संक्रमितहरुको संख्या पनि बढिरहेको छ ।सोमबार मात्रै कर्णालीका विभिन्न जिल्लामा ६७ जना संक्रमित थपिएका थिए स्वास्थ्य मन्त्रालयका अनुसार सोमबार साँझसम्म कर्णालीका विभिन्न क्वारेन्टाइनमा २२ हजार ४ सय ७४ जना रहेका छन् ।


प्रकाशित : जेष्ठ २०, २०७७ १३:३७
प्रतिक्रिया
पठाउनुहोस्

अर्नाको आलिंगन [तस्बिरहरु]

रमेशकुमार पौडेल

चितवन — अर्नाको नेपालमा मुख्य बासस्थल कोशीटप्पु निकुञ्ज हो । त्यहाँ बाहेक अन्यत्र अर्ना छैनन् पनि । तर ७३ सालको पुसमा कोसीबाट चितवन निकुञ्जमा अर्ना ल्याएर राखिएको छ । त्यो बेला कोसी टप्पुबाट १२ र सदर चिडियाखानाबाट तीन गरेर १५ वटा अर्ना चितवनमा ल्याइएको थियो । कुनै बेला चितवनमा अर्ना देखिने स्थानीयले सुनाउँछन् । तर देखिन छाडेको लामो समय भएको थियो ।

चितवन राष्ट्रिय निकुञ्जबाट स्थानान्तरण गरेको एउटा बस्ती छ । जसलाई पदमपुर भन्ने गरिन्छ । पदमपुरमा मान्छे हटाएपछि खाली भएको फाँटमध्ये ३० हेक्टर जमिनलाई तारबार गरेर अर्ना छाडिएको हो । जुन ठाउँ चितवन राष्ट्रिय निकुञ्जको पूर्वी सेक्टर कार्यालय सौराहाबाट दक्षिणमा पर्दछ । पदमपुरमा छाडेका १५ अर्नामध्ये ६ वटा अर्ना विभिन्न कारणले मरे । तर स्थानान्तरण गरेर ल्याएपछि चारवटा बच्चा जन्मेका छन् ।

अर्ना ल्याउँदा कोसीबाट दुई भाले र चिडियाखानाबाट एउटा गरेर तीनवटा भाले ल्याइएको हो । बच्चाहरुसमेत गर्दा अहिले अर्नाको संख्या १३ र भालेको ६ वटा पुगेका छन् । निकुञ्जको पूर्वी सेक्टर कार्यालयका प्रमुख रहेका सहायक संरक्षण अधिकृत गोपालबहादुर घिमिरे ७४ सालको साउन २८ गते आएको भिषण बाढीले अर्नाहरुलाई पनि सताएको थियो । तर उनीहरुको स्वास्थ्य अवस्था विस्तारै सुधार हुँदै आयो ।

जन्मेका चारवटा बच्चा राम्रोसँग हुर्केका छन् । १३ वटा अर्ना एउटै झुण्डमा बस्ने गर्दछन् । चर्ने, खेल्ने र आहालमा मस्त हुने गरेको भेटिन्छ । घाँस कम भएका बेलामा निकुञ्जले चोक्करको समेत व्यवस्था गर्दछ । अहिले थप १५ हेक्टरमा तारबार गरेर क्षेत्र बढाउन लागेको सहायक संरक्षण अधिकृत घिमिरेले बताए । कोसीबाट गरेको अर्ना स्थानान्तरण सफल हुँदै गएको उनले दाबी गरे ।सबै तस्बिरहरु : रमेशकुमार पौडेल/कान्तिपुर ।


प्रकाशित : जेष्ठ २०, २०७७ १३:२९
पूरा पढ्नुहोस्
प्रतिक्रिया
पठाउनुहोस्
×