कर्णालीका हिमाली जिल्लामा २२ सयको पीसीआर

राजबहादुर शाही

मुगु — कर्णालीका हिमाली जिल्लामा परीक्षण गरिएका २ हजार २ सय ५४ जनाको पीसीआर रिपोर्ट ‘नेगेटिभ’ देखिएको छ । कर्णाली स्वास्थ्य विज्ञान प्रतिष्ठान, जुम्लाले मुगु, जुम्ला, कालिकोट, डोल्पा र हुम्लामा चिकित्सकको टोली परिचालन गरी स्थानीयको स्वाब संकलन गरेको थियो ।

नमुना संकलन गरी परीक्षण गरिएका सबैको रिपोर्ट नेगेटिभ आएको प्रतिष्ठानका निर्देशक डा. मंगल रावलले बताए । मुगुको खत्याड गाउँपालिकाकी एक युवतीको आरडीटी रिपोर्ट पोजेटिभ देखिए पनि पीसीआर परीक्षणको क्रममा नेगेटिभ देखिएको प्रतिष्ठानले जनाएको छ ।

भारत तथा जिल्ला बाहिरबाट आएका व्यक्तिको स्वाब संकलन गर्न प्रतिष्ठानले साबिक कर्णालीका ५ जिल्लामा टोली खटाएको छ । ‘मजदुरीका लागि भारत गएकाहरू घर फर्कने क्रम बढेपछि गाउँमा कोरोना संक्रमणको जोखिम देखियो,’ उनले भने, ‘सबैको तथ्यांक संकलन गरी स्वाब परीक्षणलाई तीव्रता दिएका छौं ।’

प्रकाशित : जेष्ठ ९, २०७७ १४:१६
ADVERTISEMENT
प्रतिक्रिया
पठाउनुहोस्

इदमा सार्वजनिक बिदा दिने सरकारको निर्णय

कान्तिपुर संवाददाता

काठमाडौँ — शुक्रबारको मन्त्रिपरिषद् बैठकले इस्लाम धर्माबलम्बीहरुको पर्व इद उल फित्रमा सार्वजनिक बिदा दिने निर्णय गरेको छ । सरकारका प्रवक्ता अर्थ, सूचना तथा सञ्चार प्रविधि मन्त्री युवराज खतिवडाले सरकारले बिदा दिने निर्णय गरेको बताए । 

उनले मन्त्रिपरिषद्ले यस्तो निर्णय गरेपनि बिदा कुन दिन हुने भन्ने टुंगो नलागेको बताए । 'मन्त्रिपरिषद्‍ले बिदा दिने निर्णय गरेको छ । कुनदिन भन्ने इस्लाम धर्मगुरुहरुसँग छलफल पछि तय हुन्छ,' उनले भने ।

प्रकाशित : जेष्ठ ९, २०७७ १४:११
पूरा पढ्नुहोस्
प्रतिक्रिया
पठाउनुहोस्
ADVERTISEMENT
×