अलपत्र ९० यात्रु घर पुगे

नगरपालिकाले सल्यानका ६९, जाजरकोटका १९ र रुकुमका १ जनालाई घर पठाउने व्यवस्था मिलाएको हो । विभिन्न समूहमा हिँड्दै आएका उनीहरु शनिबार श्रीनगर पुगेका थिए । उनीहरुलाई उद्योग वाणिज्य संघ, वजार व्यवस्थापन समिति, सल्यान दृष्टिकोण र जेसिसले सामूहिक खाना खुवाएका थिए ।

अधिकांश यात्रुले हिँडेदेखि भरपेट खाना खान नपाएको थाहा पाएपछि खानाको व्यवस्था गरिएको संघका उपाध्यक्ष दिपक बोहराले बताए । उनका अनुसार सल्यानको कुमाख गाउँपालिकाका ३३, सिद्धकुमाखका ११, शारदा नगरपालिकाका १९ र बाग्चौर नगरपालिकाका ६ जना विभिन्न ठाउँमा अलपत्र परेका थिए ।