जुम्लाका अधिकांश क्वारेन्टाइन रित्तै 

एलपी देवकोटा

जुम्ला — कोरोनाभाइरस (कोभिड–१९) को जोखिम बढेको भन्दै जुम्लाका आठ स्थानीय तहमा २ सय ४२ क्वारेन्टाइन निर्माण गरिएका छन् । तर,भारत र अन्य मुलुकबाट जिल्ला भित्रिएकाहरु बस्न नमान्दा अधिकांश क्वारेन्टाइन रित्तै छन् । 


जिल्ला प्रशासन कार्यालयका अनुसार चन्दननाथमा ३०, हिमामा ३२, पातारासीमा १०, गुठिचौरमा ६, तिलामा ५३, कनका सुन्दरीमा २०, तातोपानीमा ५० र सिंजा गाउँपालिकामा ४ बेडको क्वारेन्टाइन निर्माण गरिएको छ । तर, ७१ जनामात्रै क्वारेन्टाइनमा बसेका छन् ।


चन्दननाथ नगरपालिकाले कर्णाली प्राविधिक शिक्षालयमा निर्माण गरेको क्वारेन्टाइनमा एक जना पनि बसेका छैनन् । हिमा गाउँपालिकामा ३२, पातारासीमा९, गुठिचौरमा १, तिलामा १०, सिंजामा १२ र कनका सुन्दरीमा ५ जनालाई क्वारेन्टाइनमा राखिएको छ । तातोपानी गाउँपालिकाको क्वारेन्टाइनमा बसेका सबैजना घर गइसकेका छन् ।


जुम्लाबाट १५ जना विदेशी नागरिकलाई फिर्ता गरिएको प्रमुख जिल्लाअधिकारी दुर्गा बञ्जाडेले बताइन् । उनका अनुसार ११ जनामहिला र ६० जना पुरुषमात्रै क्वारेन्टाइनमा बसेका छन् ।


‘विदेशबाट आएकाहरु क्वारेन्टाइनमा नबस्दा कोरोनाभाइरस संक्रमणको जोखिम बढेको छ,’ उनले भनिन्, ‘अधिकांश यात्रु गाउँ फर्किएकाले सुरक्षाकर्मी र स्वास्थ्यकर्मीको निगरानीमा राखेका छौं ।’ प्रशासनको तथ्यांक अनुसार लक डाउनको समयमा भारतबाट ३ सय ७१ र तेस्रो मुलकुबाट १३ जना जुम्ला भित्रिएका छन् ।


प्रकाशित : चैत्र १८, २०७६ ११:२२
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

कोरोना भाइरस प्रकोप : इटालीमा ‘लकडाउन’ अवधि थपियो

एजेन्सी

रोम — नोवल कोरोना भाइरस (कोभिड–१९) संक्रमण रोक्न संघर्षरत इटालीले ‘लकडाउन’ अवधि थप गरेको छ । इटालीले ‘इस्टर’ अर्थात् अप्रिल १२ सम्म ‘लकडाउन’ अवधि थप गरेको हो । 

पछिल्लो तीन सातादेखि इटाली ‘पूर्ण रूपमा बन्द’ छ । अत्यावश्यकबाहेक कसैलाई पनि बाहिर निस्कन दिइएको छैन भने मानिस भेला हुने सबै सार्वजनिक क्षेत्र बन्द छन् । देशैभर सुरक्षाकर्मीको बाक्लो उपस्थिति गराइएको छ र ठूलो संख्यामा स्वास्थ्यकर्मी परिचालित छन् ।

मृतक संख्याका आधारमा कोरोनाबाट विश्वमै सबैभन्दा प्रभावित इटालीमा थप संक्रमित संख्यामा भने सोमबार कमी आएको छ । आइतबार ३ हजार ८ सय १५ जना संक्रमित पुष्टि भएकोमा सोमबार मात्र १ हजार ६ सय ४८ थप संक्रमित पाइएका छन् । नयाँ संक्रमित संख्यामा कमी आए पनि मृतक संख्यामा भने पुनः वृद्धि भएको छ । अघिल्लो दिन ७ सय ५६ जनाको मृत्यु भएको इटालीमा सोमबार थप ८ सय १२ जनाको मृत्यु भएको छ ।

मंगलबारसम्म इटालीमा ११ हजार ५ सय ९१ जनाको कोभिड–१९ संक्रमणका कारण मृत्यु भइसकेको छ भने १ लाख १ हजार ७ सय ३९ जना संक्रमित पुष्टि भएकोमा १४ हजार ६ सय २० जना निको भएका छन् । संक्रमण र मृत्यु दर रोक्न हरसम्भव प्रयासमा रहेको इटालीले अबको एक साताभित्र कोराना संकट उच्च बिन्दूमा पुग्ने र त्यसपछि घट्दै जाने विश्वास व्यक्त गरेको छ ।

प्रकाशित : चैत्र १८, २०७६ ११:१०
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
×