कोरोना प्रकोप : सुर्खेतमा ४ कैदी जेलमुक्त

सोमबार जिल्ला अदालतको आदेशबाट चारजना जेलमुक्त भएका हुन् ।

जेलर लक्ष्मी खरेलका अनुसार १ वर्षभन्दा कम कैद सजाय तोकिएका, आचरण राम्रो भएका र कैद भुक्तानी थोरै भएकालाई आवश्यक प्रक्रिया पुर्याएर अदालतको आदेशबाट जेलमुक्त गरिएको हो ।

सुर्खेत कारागारका २५ जना कैदीले कैद छुटको लागि निवेदन दिएका भए पनि पहिलो चरणमा चारजना मात्र छुटेका खरेलले बताइन् । ‘उनीहरूबाट बाँकी कैद अवधिको रकम असुल गरिनुका साथै समाजमा गएपछि राम्रो गर्ने, गलत काम नगर्ने कागजमा सही गराइएको छ,’ उनले भनिन्, ‘लकडाउनमा राज्यले दिएको अवसरलाई उनीहरूले सदुपयोग गर्नुपर्छ ।’