भारतबाट आएकालाई आइसोलेसनमा राखेर उपचार

एलपी देवकोटा

जुम्ला — कर्णाली प्राविधिक शिक्षालयमा चन्दननाथ नगरपालिकाले तयार गरेको क्‍वारेन्टाइनमा बुधबार दिउँसो राखिएका सिंजाका ३२ वर्षीय एक जनालाई आइसोलेसनमा राखेर उपचार थालिएको छ । उनी भारतबाट आएका थिए । 

उनका १० वर्षीय छोरालाई पनि आइसोलेसनमा राखेर उपचार सुरु गरिएको कर्णाली स्वास्थ्य विज्ञान प्रतिष्ठानका अस्पताल निर्देशक डा.मंगल रावलले बताए । 'बुधबार अस्पतालमा आएका उनले भारतबाट आएको र ज्वरो पनि आइरहेको बताएपछि उनलाई क्‍वारेन्टाइनमा राखेर निगरानी गरिरहेका थियौं', उनले भने, 'ज्वरो नरोकिएपछि बाबु छोरा दुवै जनालाई आइसोलेसनमा राखेर उपचार सुरु गरिसकेका छौं ।'

उपचारमा खटिने स्वास्थ्यकर्मीहरुको सुरक्षाक लागि स्थानीयस्तरमै पोसाक व्यवस्था गरेको प्रतिष्ठानले जनाएको छ । स्यानीटाइजर र स्वास्थ्यकर्मीको पोसाक समेतको प्रतिष्ठानका स्वास्थ्यकर्मीहरुले आफैंले बनाएका छन् ।


जिल्लामा १ सय २० वेडको आइसोलेसन वार्ड तयार गरेको छ भने चन्दननाथ नगरपालिकाले कर्णाली प्राविधिक शिक्षालयमा क्‍वारेन्टाइन निर्माण गरेको छ । आइसोलेसनमा उपचारसत बाबुछोराको नमुना संकलन गरी काठमाडौं पठाउने तयारी भइरहेको छ । त्यस्तै हिमा गाउँपालिकाले पनि भारतबाट आएका २४ जनालाई आफ्नै क्षेत्रमा क्‍वारेन्टाइनमा राखेर निगरानी गरिरहेको जनाएको छ ।


उच्च ज्वारो आएका बिरामीको उपचारका लागि आइसोलेसन वाडमा जानुअघि तयारी गर्दै एक स्वास्थ्यकर्मी । तस्बिर : एलपी देवकोटा/कान्तिपुर प्रकाशित : चैत्र १३, २०७६ १७:५१

ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

टोल प्रवेश गर्नेलाई ५ हजार जरिवाना

दुर्गालाल केसी

दाङ — तुलसीपुर उपमहानगरपालिका ८ मालभुङस्थित एकता टोल विकास संस्थाले बाहिरी मान्छेलाई टोल प्रवेशमा रोक लगाएको छ । लकडाउनको समयमा पनि मानिसहरुको आवतजावत नरोकिएपछि टोल विकास संस्थाको बिहीबार बसेको बैठकले यस्तो निर्णय गरेको हो ।

पहिलोपटक सम्झाईबुझाई पठाउने र दोस्रोपटक आए ५ हजार जरिवाना गर्ने निर्णय भएको संस्थाका अध्यक्ष यमप्रसाद सुवेदीले बताए । गाउँमा बाहिरी मानिसहरुको प्रवेशबाट कोरोना संक्रमण फैलिन नदिन यस्तो निर्णय गरेको उनले बताए ।

यसैगरी लमही नगरपालिका ५ रमाइलो टोलका बासिन्दाहरुले टोलमा प्रवेश रोक्न सडक अवरुद्ध गरेका छन् । टोल प्रवेश गर्ने सडकको दुवैतिर भाटा लगाएर सडक अवरुद्ध गरिएको छ । कोरोना संक्रमण फैलन सक्ने भन्दै विभिन्न गाउँमा सचेतना अपनाइएको छ । राजपुर गाउँपालिकाका किशोरीहरु गाउँगाउँमा पुगेर साबुनपानीले हातधुने सन्देश दिइरहेका छन् ।

विभिन्न सञ्चारमाध्यमबाट पनि कोरोनाबाट बच्ने उपायबारे सचेतना फैलाइरहेको जिल्ला जनस्वास्थ्य प्रमुख सुनिता पौडेलले बताइन् । सबैभन्दा सुरक्षित उपाय घरमै बस्ने र पटकपटक साबुनपानीले हातधुने भएकाले यस्तो सजिलो उपाय अनपाई सुरक्षित हुन सबैलाई आग्रह गरिएको उनले बताइन् । अनावश्यक हिँड्दा नै संक्रमण फैलने भएकाले सबै सजक हुनुपर्ने पौडेलले बताइन् ।

प्रकाशित : चैत्र १३, २०७६ १७:४२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
×