कर्णालीमा जिप खस्दा चालकको मृत्यु
कालिकोट — कर्णाली करिडोरअन्तर्गत कालिकोटको खाडाचक्र नगरपालिका र नरहरिनाथ गाउँपालिकाकाे सीमा जितेमा लु १ ज ४१४१ नम्बरको जिप कर्णाली नदीमा खस्दा चालकको मृत्यु भएको छ ।
दैलेख गुराँस गाउँपालिका ४ का १९ वर्षीय जिप चालक चक्रबहादुर खड्काको मृत्यु भएको हो ।
रासकोट नगरपालिकाबाट जितेका लागि आएको जिप यात्रु झारेर फर्काउने क्रममा नदीमा खसेको जिल्ला प्रहरी कार्यालय कालिकोटका डिएसपी श्यामबाबु ओलियाले जानकारी दिए । उनका अनुसार जिप मंगलबार बिहान १० बजेतिर दुर्घटना भएको हो ।
प्रहरीले जिप नदीबाट निकाल्ने तयारी गरिरहेको छ ।