चन्द समूहका नेता रिहालगत्तै पक्राउ

कान्तिपुर संवाददाता

कालीकोट — नेत्रविक्रम चन्द समूहका केन्द्रीय सदस्यद्वय नवीन विश्वकर्मा र धिरेन्द्रा उपाध्यायलाई कालीकोट जिल्ला अदालतले साधारण तारेखमा छाडेको केही बेरमै प्रहरीले पुनः पक्राउ गरेको छ ।

विश्वकर्मा पूर्वस्थानीय विकास राज्यमन्त्री र उपाध्याय संविधानसभाकी पूर्वसांसद हुन् । विश्वकर्मा काठमाडौं उपत्यका इन्चार्ज र उपाध्याय ललितपुर जिल्ला सेक्रेटरीको जिम्मेवारीमा हुँदा यसअघि काठमाडौंबाट पक्राउ परेका थिए । दुवैलाई विस्फोटक पदार्थ तथा संगठित अपराध मुद्दा लगाएर नख्खु कारागारबाट सुनसरीको धरान हुँदै कालीकोट अदालत ल्याइएको थियो ।


जिल्ला न्यायाधीश माधवप्रसाद सुवेदीको इजलासले सोमबार पर्याप्त प्रमाण नभएको जनाउँदै साधारण तारेखमा छाड्न आदेश दिएको हो । आफन्त र अधिकारकर्मीको बीचबाट दुवैलाई दैलेख प्रहरीमा मुद्दा भएको भन्दै पक्राउ गरिएको हो । उनीहरूलाई दैलेख लगिने प्रहरीले जनाएको छ । प्रकाशित : फाल्गुन १२, २०७६ २१:५७

प्रतिक्रिया
पठाउनुहोस्
ADVERTISEMENT

कलंकीमा मालवाहक ट्रकले एक दर्जन सवारीलाई ठक्कर दियो, १ को मृत्यु

कान्तिपुर संवाददाता

काठमाडौँ — कलंकीमा एक मालवाहक ट्रक अनियन्त्रित भएर १० वटा सवारी साधनलाई ठक्कर दिँदा १ जनाको मृत्यु भएको छ । दुर्घटनामा परी अन्य १० जना घाइते भएका छन् । घाइते मध्ये २ जनाको ट्रमा सेन्टरमा उपचार भइरहेको प्रहरीले जनाएको छ । 

महानगरीय ट्राफिक प्रहरी प्रभाग कलंकीका इन्सपेक्टर पुरुषोत्तम कार्कीका अनुसार थानकोटबाट कलंकी आउँदै गरेको ना ६ ख २८७१ नम्बरको मालबाहक ट्रकको ब्रेक फेल भएर बा ४४ प १८१० को स्कुटरलाई ठक्कर दिँदा स्कुटर चालक ३३ वर्षीय शमशेर गुरुङको मृत्यु भएको हो। चितवनको रत्‍ननगर नगरपालिका-१ घर भएका गुरुङको उपचारको क्रममा ट्रमा सेन्टरमा मृत्यु भएको इन्सपेक्टर कार्कीले इकान्तिपुरलाई बताए।

सोमबार राति ६ बजेर ४० मिनेटमा उक्त दुर्घटना भएको थियो। दुर्घटनाबाट २ वटा स्कुटर, ट्रक, बस, सरकारी गाडी, ट्याक्सी, मिनी ट्रक र स्कारपियो गरी १० वटा सवारीमा क्षति पुगेको छ।प्रहरीले ट्रक चालक सर्लाही घर भएका वीरेन्द्रकुमार साहलाई नियन्त्रणमा लिएको छ।

प्रहरीका अनुसार थानकोटबाट कलंकी आउँदै गरेको उक्त ट्रकले सुरुमा यातायात व्यवस्था विभागको गाडीको टायरलाई छोएर उत्तरतर्फबाट आउँदै गरेको ट्याक्सीलाई ठक्कर दिएको थियो। त्यसपछि दक्षिणबाट बाटो पार गर्दै गरेका स्कारपियो,मिनी ट्रक र स्कुटरलाई ट्रकले ठक्कर दिएको थियो।

महानगरीय प्रहरी परिसर काठमाडौंका प्रवक्ता डीएसपी होबिन्द्र बोगटीका अनुसार प्रहरीले सुरुमादुर्घटनापछि घाइते भएकाहरुकोउद्धार तथा बाटो सुचारु गर्नका लागि आफ्‍नो टोली परिचालन गरेको थियो। 'अहिले सबै घाइतेलाई उद्धार गरी अस्पताल लगिएको छ।बाटो सुचारु छ। के कारणले दुर्घटना भएको हो यसको अनुसन्धान गर्दैछौँ,' उनले भने।

प्रकाशित : फाल्गुन १२, २०७६ २१:३४
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
×