कान्तिपुर वेबसाईट
AdvertisementAdvertisement

ट्रयाक्टर दुर्घटनामा एकको मृत्यु

कान्तिपुर संवाददाता

सल्यान — बाग्चौर नगरपालिका ९ धामीढुंगामा ट्रयाक्टर दुर्घटना हुँदा १ को मृत्यु भएको छ । शुक्रबार बेलुकी ७ बजेतिर ना ६ त ९२१३ नम्बरको ट्रयाक्टर दुर्घटना हुँदा सिरक डसना बनाउने काम गर्दै आएका रौतहट सन्तपुर नगरपालिका ६ का आलिम महमदको मृत्यु भएको हो ।

उनको ट्रयाक्टरले च्यापिँदा घटनास्थलमै मृत्यु भएको प्रहरीले जनाएको छ ।


धामीढुंगाबाट सिरक डसना बनाएर श्रीनगरतिर फर्कने क्रममा घुम्तीमा ब्याक गर्दा ट्रयाक्टर दुर्घटनामा परेको प्रहरीले जनाएको छ । सिरक डसना बनाउन गएका दुई जनामध्ये एक जना हाम्फालेर बच्‍न सफल भएको जिल्ला प्रहरी कार्यालय सल्यानका प्रनाउ ढकेन्द्र खतिवडाले जानकारी गराएका छन् । प्रकाशित : फाल्गुन ३, २०७६ १२:४७

प्रतिक्रिया
पठाउनुहोस्
ADVERTISEMENT

प्रतिनिधि सभामा प्रधानमन्त्री ओलीको सम्बोधनको पूर्णपाठ

कान्तिपुर संवाददाता

काठमाडौँ — प्रधानमन्त्री केपी शर्मा ओलीले एमसीसी परियोजनाले नेपाली अर्थतन्त्रको तस्बिर बदलिदिने दाबी गरेका छन् ।संघीय संसद् प्रतिनिधिसभालाई सम्बोधन गर्ने क्रममा शनिबार उनले एमसीसीले नेपालको अर्थतन्त्र र ऊर्जा उपयोगको तस्बिर बदलिदिने दाबी गरेका हुन् ।

नेपाल सरकार र मिलिनियम च्यालेन्ज कर्पोरेसन (एमसीसी) बीच भएको सम्झौताले नेपालको सडक र ऊर्जा क्षेत्रमा संयुक्त लगानी गर्ने कार्यक्रम अगाडि सारेको छ। सम्झौतामा रहेका कतिपय व्यवस्थालाई लिएर नेकपाभित्र विवाद रहेका बेला ओलीले संसद्‍मा यस्तो अभिव्यक्ति दिएका हुन्।

सम्बोधनका क्रममा प्रधानमन्त्री ओलीले आफ्नो सरकारको दुई वर्षका उपलब्धि र आगामी योजनाबारे चर्चा गरेका थिए।

प्रधानमन्त्री ओलीले सम्बोधनका क्रममा प्रतिपक्षी दल कांग्रेसप्रति पनि प्रहार गर्न भ्याए। चुनावका बेला कांग्रेसका नेताले नेकपाको सरकार बन्यो भने हाँस्न र रुन पनि नपाइने भन्दै भोट मागेको उल्लेख गर्दै प्रधानमन्त्री ओलीले त्यसलाई जनताले कति पत्याए भनेर प्रश्‍न गरे।

उनले मुलुकभर जम्मा डेढ दर्जन मात्रै तुइन बाँकी रहेको उल्लेख गर्दै भने, 'मैले सबै जिल्लाहरु तुइनमुक्त भए भनिरहन आवश्यक देख्‍न छाडेको छु। ‘भएनन्, भएको छैन, होइन’ जस्ता नकारात्मक बहसमा रुचि राख्नेहरुलाई पनि स्थान नहोस् भन्नका लागि यत्तिचाहिँ उल्लेख गर्न चाहन्छु, निर्माणाधीन र निर्माणको प्रक्रियामा रहेका तुइनको संख्या अब मुलुकभर डेढ दर्जन पनि बाँकी छैन।'

सम्बन्धित समाचार :

एमसीसी परियोजनाले नेपाली अर्थतन्त्रको तस्बिर बदल्ने निश्‍चित : प्रधानमन्त्री

सरकारको दोस्रो वर्ष विकास आरम्भको हो : प्रधानमन्त्री


संसद्‍मा प्रधानमन्त्री ओलीले गरेको सम्बोधनको पूर्णपाठ

प्रकाशित : फाल्गुन ३, २०७६ १२:४४
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×