दुई वडा कार्यालय जलाएको जिम्मा लियो चन्द समूहले

जिल्ला सेक्रेटरी मञ्जित कामीले निकालेको विज्ञप्तीमा आठबीसकोट नगरपालिकामा रहेको एनसेलको टावर, सल्यान रुकुम पश्चिममा रहेको एनसेल टावरमा पनि जनताले आक्रमण गरेको भन्दै त्यसको जिम्मा पनि आफ्नै पार्टीले लिने बताएका छन् । विज्ञप्तीमार्फत आगामी दिनमा सरकारी तथा गैरसरकारी, लघु वित्तिय संघ संस्थाका कार्यालय व्यक्तिको घरमा नराख्न पनि चेतावनी दिइएको छ ।

पछिल्लो समय जनप्रतिनिधि आफू शासक भएर जनतालाई दासजस्तो व्यवहार गरिरहेको आरोप उसले लगाएको छ । गत पुस ८ गते आठबीसकोट नगरपालिका–१० को वडा कार्यालयका सामान कार्यालय बाहिर ल्याएर जलाइएको थियो भने माघ १२ गते राति बाँफिकोट गाउँपालिका–९ को कार्यालयका सामग्री कार्यालय बाहिर ल्याएर जलाइएको थियो । यी दुवै वडा कार्यालयहरु सर्वसाधारणको घरमा राखिएको छ । बाँफिकोट गाउँपालिका–९ का अध्यक्ष कविराम खत्री सत्तारुढ दल नेकपाका बाँफिकोट गाउँपालिका अध्यक्षसमेत हुन् ।