सल्यानमा दुई ऐनसेल टावरमा आगजनी
सल्यान — जिल्लाको दुई स्थानमा रहेको ऐनसेल टावरमा अज्ञात समूहले आगजनी गरेको छ । आगजनीका कारण टावरमा क्षति पुगेकाे छ ।
बन्गाड कुपिण्डे नगरपालिका ४ देउली, शारदा नगरपालिका १३ लेखटाकुरा र ऐनसेल टावर आगजनी गरेको प्रहरीले जनाएको छ ।
आईतबार राति अज्ञात समुहले ऐनसेल टावरमा आगजनी गरेका हुन । अज्ञात व्यक्तिकाे समूहले टावरमा रहेका जेनेटर र बिटिएसको तार पनि काटेकाले देउली र लेखटाकुरा मात्र नभई आसपासका दर्जन बढी गाउँ संचारविहिन रहेको प्रहरी नायब उपरिक्षक ढकेन्द्र खतिवडाले जानकारी गराए ।
क्षतिको बारेमा अहिलेसम्म खुल्न नसकेको प्रहरी नायव उपरिक्षक खतिवडाले बताए । आगजनी गरेको क्षेत्रमा प्रहरीले अनुसन्धान गरिरहेको उनको भनाई छ ।
प्रकाशित : माघ १३, २०७६ १४:०७प्रतिक्रिया