माटोले पुरिएर पाँच जनाको मृत्यु भएपछि पुरै गाउँ शोकमा

विप्लव महर्जन

सल्यान — बागचौर नगरपालिका–४ शिवरथस्थित पेदिखोला र सिमखोलीबाट मजदुरीका लागि गएका पाँच जनाको पोखराको मौजामा सडकमा काम गर्ने क्रममा मृत्यु भएपछि दुवै गाउँ शोक मग्न भएको छ ।

ZenTravel

मृत्युको खबर पाउने बित्तिकै पाँचैका परिवार अचेत अवस्थामा रहेको स्थानीय हरिकिरण बस्नेतले बताए। ‘पोखराको घटनाका कारण बिहानदेखि अहिलेसम्म गाउँघरका पुरुष महिलाहरु उनीहरुलाई सम्झाउन र सहयोग गर्नमा जुटेका छन्।,’ उनले भने।

मजदुरी गर्न गएका सात जनामध्ये पेदिखोलाका तोभान बस्नेत, जोगेन्द्र बुढाथोकी, खिमलाल बस्नेत, सिमखोलीका जीतबहादुर बस्नेत र गणेश ओली रहेका छन्। पोखरा महानगरपालिकाको कनेक्टिभिटी सडक निर्माणको काम गर्न गएका ती सातमध्ये दुई घाइते भएका छन्।

Meroghar

आर्थिक अभावका कारण परिवार पाल्न समस्या भएपछि १८ दिनअघि मात्र पेदिखोला र सिमखोलीका सातजना छिमेकी गाउँका स्थानीयसँग सडकमा काम गर्न पोखरा गएको बस्नेतले बताए।

प्रकाशित : मंसिर १५, २०७६ १९:०७
ADVERTISEMENT
प्रतिक्रिया
पठाउनुहोस्
ADVERTISEMENT

महोत्तरीको पिपरा गाउँपालिकामा नेकपाका चौधरी विजयी

सुनिता बराल

महोत्तरी — महोत्तरीको पिपरा गाउँपालिका अध्यक्षमा नेकपाका विक्रम चौधरी विजयी भएका छन् । ३ हजार २ सय ४९ मत प्राप्त गरि चौधरी पालिका अध्यक्षमा विजयी भएका हुन् ।

उनका निकटतम प्रतिद्धन्दी समाजवादी पार्टिका रामजानकी यादवले ३ हजार ४१ मत प्राप्त गरे भने राजपाकी रविता कुमारीले २ हजार ९ सय ८६ मत प्राप्त गरिन् । त्यस्तै नेपाली कांग्रेसका विजयकुमार यादवले १ हजार ९ सय ३५ मत प्राप्त गरेका छन् ।
२ सय ८ मतको अन्तरले नेकपाका चौधरीले समाजवादीका यादवलाई हराएका हुन् । राष्ट्रिय जनता पार्टिबाट गाउँपालिका अध्यक्ष बनेका विनोद चौधरीको मृत्युपछि पिपरामा उपचिर्वाचन भएको हो ।

राजपाले मृतक चौधरीकै श्रीमति रवितालाई उपनिर्वाचनमा उठाएको थियो । राजपालेनै जित्छ भन्ने आकलन धेरैले गरेका भएपनि राजपाले जित हासिल गर्न सकेन ।

पिपरामा १८ हजार ५ सय ८८ कुल मतदातामा १२ हजार ६ सय ६ मत खसेको थियो ।

प्रकाशित : मंसिर १५, २०७६ १८:४९
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
×