वडा अध्यक्षको उपनिर्वाचनमा ६१ प्रतिशत मत खस्यो

विप्लव महर्जन

सल्यान — कुमाख गाउँपालिका-५ कालागाउँमा भएको वडा अध्यक्षको उप निर्वाचनमा कुल मतदाताको ६१.१२ प्रतिसतले मतदान गरेका छन । १ हजार ८ सय ३९ मतदाता रहेको कुमाख गाउँपालिका-५ कालागाउँमा संख्यात्मक रुपमा १ हजार १ सय २४  मत खसेको मुख्य निर्वाचन अधिकृतको कार्यालय सल्यानले जनाएको छ । 

१ हजार एक सय २४ मध्ये पुरुष ५ सय २४ र महिला ६ सय रहेको मुख्य निर्वाचन अधिकृतको कार्यालय सल्यानका एक कर्मचारी रामकुमार खत्रीले बताएका छन । मतदान गर्न आएका मतदाता मध्ये दुई जनाको परिचय पत्रमा समस्या देखिएकाले मतदान गर्न नपाएको उनले जानकारी गराए ।

वडा अध्यक्षको निर्वाचन शान्तिपूर्वक भएको निर्वाचन अधिकृत हरिबहादुर बुढाथोकीले बताए । वडा अध्यक्षको निर्वाचनका लागि सरस्वती माध्यामिक विद्यालयमा क र ख मतदान केन्द्र अन्तर्गत दुवै मतदानस्थलमा गरी ६१ प्रतिशत मत खसेको उनले जानकारी गराए । उनकाअनुसार कुमाख गाउँपालिका-५ मा विजयी भएका वडा अध्यक्ष हरिप्रसाद बुढाथोकी जिल्ला समन्वय समितिको उपाध्यक्षमा विजयी भएपछि वडा अध्यक्ष पद खाली भएको थियो । जिल्लामा कुमाख गाउँपालिकाको-५ मा मात्र उपनिर्वाचन भएको उनको भनाइ छ ।

उपनिर्वाचनमा नेकपाबाट धर्मे बुढाथोकी, कांग्रेसबाट खडकबहादुर बोहरा र राप्रपाबाट गोपाल शाह उमेदवार रहेका थिए । मतदान सम्पन्न भएकाले आइतबारबाटै मतगनना हुने मुख्य निर्वाचन अधिकृतको कार्यालय सल्यानले जनाएको छ ।

प्रकाशित : मंसिर १४, २०७६ १९:२३
ADVERTISEMENT
प्रतिक्रिया
पठाउनुहोस्

धरानमा ५९ प्रतिशत मत खस्यो

गणक र दलका प्रतिनिधि वीच जालिदार घेराबारा
प्रदीप मेन्याङ्बो

सुनसरी — धरान उपमहानगरपालिकामा प्रमुख र वडा-७ को वडाध्यक्षकालागि भएको उपनिर्वाचनमा शनिबार ५९ प्रतिशत मतदान भएको छ । साँझ ५ बजेसम्म मतदान भएको धरानका २८ मतदान स्थलका ९९ मतदान केन्द्रमा यसअघिको स्थानीय तहको चुनावमा खसेकै हाराहारीमा मत खसेको हो । 

०७४ को स्थानीय तहको निर्वाचनमा ६७ दशमलव ८७ प्रतिशत मत खसेको थियो । त्यसबेला ७९ हजार २ सय ९० मतदाता संख्या थियो । यसपटक बढेको १३ हजार मत सहित ९२ हजार ८ सय ५३ मतदाता रहेकोमा ५९ प्रतिशत मत खसेको निर्वाचने अधिकृतको कार्यालयले जनाएको छ ।

सबैभन्दा बढी धरान १४ को विजयपुरस्थित पञ्चायत माविको मतदान स्थलमा ६७ प्रतिशत मत खसेको थियो भने सवै भन्दा कम धरान–८ भोटेपुलस्थित ल्यावरोटरी मावि मतदान स्थलमा ५० प्रतिशत मत खसेको थियो । खसेको मतको प्रतिशतअनुसार यसपटक धरानका ५४ हजार ७ सय मतको खसेको देखिन्छ । यसअघिको स्थानीय तहको निर्वाचनमा ५३ हजार ८ सय १२ मत खसेको थियो ।
मतदातासंख्या बढेको तुलनामा मत कमै खसेको छ । ०७४ मा खसेको भन्दा ९ सय ७१ मत बढी मत यसपटकको उपनिर्वाचनमा खसेको छ ।
निर्वाचन अधिकृतको कार्यालयका मुख्य निर्वाचन अधिकृत राधाकृष्ण उप्रेतीले धरानमा शान्तिपूर्ण रुपमा मतदान सम्पन्न भएको बताए । मतदान केन्द्रबाट मतपेटिकाहरु धरान–१५ को पुस्पलालस्थित निर्वाचन अधिकृतको कार्यालयमा ल्याइसकेकाले मतगणनाका लागि सर्वदलीय बैठक बसेर निर्णय गर्ने तयारी भएको छ ।
बेलुका ८ बजे सर्वदलीय बैठकले गरेको निर्णयअनुसार मतगणना गरिने मुख्य निर्वाचन अधिकृत राधाकृष्ण उप्रेतीले बताए । मतगणनास्थलमा कडा सुरक्षा व्यवस्था गरिएको छ । मतगणनास्थलमा २ वटा सीसीटिभीको निगरानीमा मतगणना गरिने र गणक र उम्मेदवारका प्रतिनिधिहरुबीचमा जालीदार घेराबारा समेत राखिएको छ ।

०७४ मा सम्पन्न चितवनको भरतपुरमा मतगणना हुँदाहुँदै दलका प्रतिनिधिहरुले मतपत्र च्यातेकाले मतपत्रको सुरक्षाको लागि तारको घेराबारा गरिएको निर्वाचन आयोगले जनाएको छ ।

प्रकाशित : मंसिर १४, २०७६ १९:१९
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×