वडा अध्यक्षको उपनिर्वाचनमा ६१ प्रतिशत मत खस्यो

१ हजार एक सय २४ मध्ये पुरुष ५ सय २४ र महिला ६ सय रहेको मुख्य निर्वाचन अधिकृतको कार्यालय सल्यानका एक कर्मचारी रामकुमार खत्रीले बताएका छन । मतदान गर्न आएका मतदाता मध्ये दुई जनाको परिचय पत्रमा समस्या देखिएकाले मतदान गर्न नपाएको उनले जानकारी गराए ।

वडा अध्यक्षको निर्वाचन शान्तिपूर्वक भएको निर्वाचन अधिकृत हरिबहादुर बुढाथोकीले बताए । वडा अध्यक्षको निर्वाचनका लागि सरस्वती माध्यामिक विद्यालयमा क र ख मतदान केन्द्र अन्तर्गत दुवै मतदानस्थलमा गरी ६१ प्रतिशत मत खसेको उनले जानकारी गराए । उनकाअनुसार कुमाख गाउँपालिका-५ मा विजयी भएका वडा अध्यक्ष हरिप्रसाद बुढाथोकी जिल्ला समन्वय समितिको उपाध्यक्षमा विजयी भएपछि वडा अध्यक्ष पद खाली भएको थियो । जिल्लामा कुमाख गाउँपालिकाको-५ मा मात्र उपनिर्वाचन भएको उनको भनाइ छ ।

उपनिर्वाचनमा नेकपाबाट धर्मे बुढाथोकी, कांग्रेसबाट खडकबहादुर बोहरा र राप्रपाबाट गोपाल शाह उमेदवार रहेका थिए । मतदान सम्पन्न भएकाले आइतबारबाटै मतगनना हुने मुख्य निर्वाचन अधिकृतको कार्यालय सल्यानले जनाएको छ ।