नेपाली भूमि भारतले मिचेकोमा विरोध प्रदर्शन

नेपाली भूमि मिचेर भारतले आफ्नो नक्सामा पारेपछि देशैभरी भैरहेको विरोधलाई थप बल प्रदान गर्न सल्लीबजारको जनकल्याण युवा क्लबको आयोजनामा युवाहरुले विरोध प्रदर्शन गरेका हुन् । ‘भारतको दादागिरी र रवैया हामीलाई स्विकार्य छैन, नेपाली भुमी फिर्ता गर’ भन्दै युवाहरुले नाराबाजी गरेका थिए ।

नेपाल सरकारले भारतीय बेथितीलाई विरोधमा उत्रेकालाई उल्टै सुरक्षाकर्मी लगाएर दमन गर्ने कार्य गरेकाले त्यसको समेत भत्सर्ना गरेका थिए । भारतको दादागिरी अन्त्य गर्न विरोध कार्यक्रम गरेको युवा क्लवका अध्यक्ष सन्देश यरीले बताए ।

भारतले नेपाल प्रति हेपाहा प्रवृत्तिको अन्त्य हुन आवस्यक रहेको अर्का युवा मिनराज डिसीले बताए । नेपाली सीमा मिच्दा पनि सरकार मौन बसेकोमा उनले आक्रोस व्यक्त गरेका थिए । विरोध कार्यलाई जारी राख्ने युवाहरुको भनाई छ ।