चितुवाको छालासहित २ पक्राउ 

हरि गौतम

रुकुम पश्चिम — प्रहरीले चितुवाको छालासहित २ जनालाई पक्राउ गरेको छ । जिल्ला प्रहरी कार्यालयको विशेष प्रहरी टोलीले मुसीकोट नगरपालिका–७ वैरीदहबाट दुई युवालाई चितुवाको छालासहित पक्राउ गरेको हो ।

शुक्रबार रुकुम पूर्वबाट मध्यपहाडी लोकमार्ग भएर खलंगातर्फ आइरहेका पुथाउत्तरगंगा गाउँपालिका–१४ का अर्जुन बुढा भनिने छाया विक र दाङको घोराही उपमहानगरपालिका–१२ का १९ वर्षीय गणेश नेपालीलाई चितुवाको छालासहित पक्राउ गरिएको प्रहरी नायब उपरीक्षक सुमित खड्काले बताए ।

उनीहरुलाई थप अनुसन्धानका लागि डिभिजन वन कार्यालयमा बुझाइने प्रहरीले जनाएको छ ।

प्रकाशित : कार्तिक ९, २०७६ १२:५१
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

ट्याक्टर दुर्घटा हुँदा दुई जनाको मृत्यु 

हरि गौतम

(रुकुम पश्चिम) — ट्याक्टर दुर्घटना हुँदा २ जनाको मृत्यु भएको छ । चौरजहारी नगरपालिकाबाट सानीभेरी गाउँपालिकातर्फ आउँदै गरेको भे १ त ५१०७ नम्बरको ट्याक्टर दुर्घटना हुँदा दुई जनाको मृत्यु भएको प्रहरीले जनाएको छ ।


बिहीबार बेलुकी साढे सात बजेतिर चौरजहारी नगरपालिका–९, सल्यानीपधेरामा भएको दुर्घटनामा सानीभेरी गाउँपालिका–१, का २२ वर्षीय ट्याक्टर चालक महेन्द्र विक र २७ वर्षीय चन्द्रबहादुर विकको घटनास्थलमै मृत्यु भएको जिल्ला प्रहरी प्रमुख प्रहरी नायव उपरीक्षक सुमित खड्काले बताए । उनका अनुसार मदिरा सेवन गरेर ट्याक्टर चलाएका कारण दुर्घटना भएको हो ।

जाजरकोटको मटेलाबाट मदिरा ल्याइ चौरजहारी नगरपालिकाको मेलैनाउली बजारमा खाएर ट्याक्टर चलाएको प्रारम्भिक अनुसन्धानबाट खुलेको प्रहरीले जनाएको छ । मृतकको साथमा समेत सोफी नामको रक्सी भेटिएको जनाइएको छ । ट्याक्टर मध्यपहाडी लोकमार्गबाट झण्डै २० मिटर तल खसेको छ ।

प्रकाशित : कार्तिक ८, २०७६ १२:११
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT