चितुवाको छालासहित २ पक्राउ
रुकुम पश्चिम — प्रहरीले चितुवाको छालासहित २ जनालाई पक्राउ गरेको छ । जिल्ला प्रहरी कार्यालयको विशेष प्रहरी टोलीले मुसीकोट नगरपालिका–७ वैरीदहबाट दुई युवालाई चितुवाको छालासहित पक्राउ गरेको हो ।
शुक्रबार रुकुम पूर्वबाट मध्यपहाडी लोकमार्ग भएर खलंगातर्फ आइरहेका पुथाउत्तरगंगा गाउँपालिका–१४ का अर्जुन बुढा भनिने छाया विक र दाङको घोराही उपमहानगरपालिका–१२ का १९ वर्षीय गणेश नेपालीलाई चितुवाको छालासहित पक्राउ गरिएको प्रहरी नायब उपरीक्षक सुमित खड्काले बताए ।
उनीहरुलाई थप अनुसन्धानका लागि डिभिजन वन कार्यालयमा बुझाइने प्रहरीले जनाएको छ ।
प्रकाशित : कार्तिक ९, २०७६ १२:५१प्रतिक्रिया
