ट्याक्टर दुर्घटा हुँदा दुई जनाको मृत्यु 

बिहीबार बेलुकी साढे सात बजेतिर चौरजहारी नगरपालिका–९, सल्यानीपधेरामा भएको दुर्घटनामा सानीभेरी गाउँपालिका–१, का २२ वर्षीय ट्याक्टर चालक महेन्द्र विक र २७ वर्षीय चन्द्रबहादुर विकको घटनास्थलमै मृत्यु भएको जिल्ला प्रहरी प्रमुख प्रहरी नायव उपरीक्षक सुमित खड्काले बताए । उनका अनुसार मदिरा सेवन गरेर ट्याक्टर चलाएका कारण दुर्घटना भएको हो ।

जाजरकोटको मटेलाबाट मदिरा ल्याइ चौरजहारी नगरपालिकाको मेलैनाउली बजारमा खाएर ट्याक्टर चलाएको प्रारम्भिक अनुसन्धानबाट खुलेको प्रहरीले जनाएको छ । मृतकको साथमा समेत सोफी नामको रक्सी भेटिएको जनाइएको छ । ट्याक्टर मध्यपहाडी लोकमार्गबाट झण्डै २० मिटर तल खसेको छ ।