दुलहा-दुलहीसहित ७ जना मण्डपबाटै पक्राउ - कर्णाली - कान्तिपुर समाचार
कान्तिपुर वेबसाईट
AdvertisementAdvertisement

दुलहा-दुलहीसहित ७ जना मण्डपबाटै पक्राउ 

विप्लव महर्जन

सल्यान — सिद्धकुमाख गाउँपालिकामा बालविवाह गर्ने गराउने सातजनालाई प्रहरीले पक्राउ गरेको छ । गोप्य सूचनाको आधारमा प्रहरीले दुलहा-दुलही र उनकीहरुको बुवाआमासहित विवाह गराउने पण्डितलाई पक्राउ गरेको हो ।

पक्राउ पर्नेहरुमा १९ वर्षीय दुलाहा र उनका बुवा लोकबहादुर बोहरा, आमा माया बोहरा, सिद्धकुमाख गाउँपालिका २ की १९ वर्षीया दुलही, बुवा रत्नबहादुर रावत, आमा कलौटी रावत र जाजरकोट कुसे गाउँपालिका ९ घर भई हाल सल्यानको सिद्धकुमाख गाउँपालिका ४ चाँदेकरेन्जी बस्ने पण्डित नविन आचार्य छन् ।


उनीहरुलाई जिल्ला प्रहरी कार्यालयमा राखेर अनुसन्धान भइरहेको प्रहरी नायब उपरीक्षक ढकेन्द्र खतिवडाले जानकारी दिए । पहिला भागेर गएका उनीहरुलाई दुलहाका बाबुले घरमा भित्र्याउँदै गर्दा प्रहरीले पक्राउ गरेका उनले बताए ।


दुलहा र दुलही तुलसिपुरस्थित एक विद्यालयमा अध्ययनरत थिए । कानुनमा बालविवाह गर्ने गराउनेलाई न्यूनतम् डेढ वर्षदेखि तीन वर्ष कैद र ३० हजार देखि १५ हजारसम्म जरिवानाको व्यवस्था छ ।


दुई वर्षको अवधीमा पाँच बालबिबाह रोकिएको जिल्ला प्रहरी कार्यालय सल्यानले जनाएको छ ।

प्रकाशित : आश्विन १७, २०७६ १५:५७
प्रतिक्रिया
पठाउनुहोस्

युक्रेनमा भएको विमान दुर्घटनामा कम्तीमा पाँचको मृत्यु

एएफपी

किभ — युक्रेनमा ८ यात्रुसहित उडेको सामान ढुवानीका लागि प्रयोग हुने एक विमान अवतरणका क्रममा शुक्रबार दुर्घटनाग्रस्त हुँदा कम्तीमा पाँच जनाको मृत्यु भएको छ ।

द एन्टोनोभ–१२ एलभिभ विमानस्थलबाट करिब डेढ किलोमिटर टाढा दुर्घटनाग्रस्त भएको थियो । विमान दुर्घटनास्थलबाट तीन जनालई घाइते अवस्थामा उद्धार गरी उपचारका लागि अस्पतालमा पठाइएको छ ।

युक्रेनी आपतकालीन सेवा सम्बद्ध अधिकारीले चालक दलका सदस्यहरूमध्ये तीन जनाको मृत्यु भएको र दुईको अवस्था अज्ञात रहेको बताएका छन् ।

“घटनामा पाँच जनाको मृत्यु भएको छ भने तीन जनालाई घाइते अवस्थामा उद्धार गरी उपचारका लागि पठाइएको छ,” युक्रेनी पूर्वाधार मन्त्री भ्लादिस्लाभ क्रिक्लीले आफ्नो फेसबुक पेजमा उल्लेख गरेका छन् ।

उक्त विमान किभस्थित यूक्रेनी कम्पनी यूक्रेन एअर अलाएन्सद्वारा सञ्चालन गरिँदै आएको र स्पेनको भिगो विमानस्थलबाट युक्रेनका लागि उडेको थियो । प्रारम्भीक भनाइहरूमा विमान इन्धन खाली भएपछि दुर्घटना भएको उल्लेख छ ।

युक्रेनी आपतकालीन सेवा विभागले विमानको एउटा पखेटा जमिनमा धसिएको फोटो सामाजिक सञ्जालमार्फत सार्वजनिक गरेको छ ।

प्रकाशित : आश्विन १७, २०७६ १४:४२
पूरा पढ्नुहोस्
प्रतिक्रिया
पठाउनुहोस्
×