डेंगुका कारण भारतमा एक नेपालीको मृत्यु
सल्यान — मजदुरी गर्न भारतको राजकोट गएका बन्गाडकुपिण्डे नगरपालिका ७ सिम्तीगैराका वर्ष २१ नेखिराम नेपालीको डेंगु रोगका कारण मृत्यु भएको छ । ५ महिनाअघि मात्र मजदुरीका लागि भारतको राजकोट गएका उनको राजकोट अस्पतालमै मृत्यु भएको हो ।
डेंगुबाट प्रभावित भएका उनी दुई सातायता राजकोट अस्पतालमा उपचारमा थिए । उनको शुक्रबार राति मात्र मृत्यु भएको मृतकका आफन्त खुमबहादुर सार्कीले बताएका छन् ।
नेपालीको लासलाई रकम जोहो गरी घर ल्याउने तैयारी भइरहेको लोकराज नेपालीले बताए ।
नोखिरामको मृत्यु भएपछि उनको श्रीमती र एक वर्षीया छोरीको बिचल्ली भएको छ ।
प्रकाशित : आश्विन ४, २०७६ १३:१२प्रतिक्रिया